عێراق هەناردەکردنی نەوت بۆ ئوردن ڕادەگرێت

ئاڤا نیوز 

حکومەتی عێراق ماوەی 20 ڕۆژە هەناردەکردنی نەوتی بۆ ئوردن ڕاگرتووە، بێ ئەوەی هۆكارەكەی ئاشكرا بكات.

ڕاگەیێنراوی فەرمی: میدیا ئوردنییەکان بڵاویان کردووە: لە ڕۆژی 22ی مانگی ڕابردووەوە عێراق هەناردەکردنی نەوتی بۆ ئوردن ڕاگرتووە بێ ئەوەی هۆکارەکەی ئاشکرا بکات.

کاریگەریی و لێکەوتەکان: نزیکەی 500 بارهەڵگری نەوت گواستنەوەی عێراقی کارەکانیان وەستاوە و دەبێت عێراق نەوتی کەرکووک بۆ بەندەری بەسرە بگوازێتەوە، ئەمەش تێچوویەکەی زۆر زیاتری دەوێت لەوەی ڕاستەوخۆ ڕەوانەی ئوردنی بکات.

ئەوەی پێویستە بیزانیت: لە مانگی ئایاری ساڵی ڕابردوو، عێراق گرێبەستی فرۆشتنی نەوتی لەگەڵ ئوردن بۆ ماوەی ساڵێک نوێ کردەوە و لەسەرەتای ئەمساڵدا هەناردەکردنی نەوتی بۆ ئەو وڵاتە لە 10 هەزار بۆ 15 هەزار بەرمیل لە ڕۆژێکدا بەرزکردەوە.