سوودانی بڕیارێك بۆ سەیركردنی یاری هەڵبژاردەی عێراق دەردەکات

ئاڤا دیجیتاڵ

سەرۆكوەزیرانی عێراق بڕیاریدا فەرمانبەران دەتوانن لە كاتژمێر دوو دەست لە دەوام هەڵبگرن بۆ بینینی یاری نێوان عێراق و ئوردن.

چیرۆكی سەرەكی: محەمەد شیاع سوودانی سەرۆكوەزیرانی عێراق بڕیاریدا سبەی دووشەممە كاتژمێر 02:00ـی دوای نیوەڕۆ هەموو فەرمانبەرانی عێراق دەتوانن دەستلەكارهەڵبگرن و دەوامی فەرمیی ڕابگرن.

زانیاری زیاتر: بڕیارەكەی سەرۆكوەزیران عێراق بۆ ئەوەیە دەرفەت بە هەموو هاووڵاتیانی عێراق بدرێت، لە كاتژمێر 02:30 سەیری یاریی عێراق و ئوردن بكەن، هاوكات ئەو فەرمانبەرانەی دەوامی پاشنیوەڕۆیان هەیە بۆیان دەكرێتە پشوو، ئەم بڕیارەش تایبەتە بەخوارو و ناوەڕاستی عێراق.

باكگراوند: بۆ یارییەكەی سبەی، هەڵبژاردەی عێراق بڕیارە بە درێسی سپی و هەڵبژاردەی ئوردنیش بە درێسی سوور یاری بكەن.