ئەو عومرەکارانەی لە سعودیە گیریانخواردبوو دەگەنەوە هەرێمی کوردستان
- هەواڵ
- 28 کانوونی دووەم
ئاڤا دیجیتاڵ
دوای چەند رۆژێک گیرخواردنیان لە مەککە بەهۆی سزادانی کۆمپانیای "فلای بەغداد"، ئێوارەی ئەمڕۆ عومرەکارانی هەرێمی کوردستان لەڕێگەی فڕۆکەخانەی نێودەوڵەتیی سلێمانی دەگەڕێنەوە.
چیرۆکی سەرەکی: بەهۆی سزادانی کۆمپانیای فڵای بەغداد لەلایەن وەزارەتی گەنجینەی ئەمەریکا لە 22ی ئەم مانگەدا، بەتۆمەتی هاوکاریکردنی سوپای پاسدارانی ئێران و گرووپە چەکدارەکانی نزیک ئەو وڵاتە، سەدان عومرەکار کە لەڕێگەی کۆمپانیاکەوە بۆ سعودیە گەشتیان کردبوو، نەیانتوانی بگەڕێنەوە.
ئەوەی ئێستا روودەدات: بڕیارە ئەمڕۆ یەکشەممە 28-1-2024، بە فڕۆکەیەکی هێڵی ئاسمانی عێراقی، عومرەکارەکان کە دانیشتووی سەرجەم ناوچەکانی هەرێمی کوردستانن، لەڕێگەی فڕۆکەخانەی نێودەوڵەتیی سلێمانی بگەڕێنەوە.
لێدوانی فەرمی: کاروان ستوونی، گوتەبێژی بەڕێوەبەرایەتیی حەج و عومرەی هەرێمی کوردستان، بۆ ئاڤا میدیا پشتڕاستیکردەوە کە ژمارەی عومرەکارەکان 150 کەسە و ئێوارەی ئەمڕۆ دەگەنە فڕۆکەخانەی سلێمانی.
زانیاری زیاتر: بڕیاربوو پێشنیوەڕۆی ئەمڕۆ کاتژمێر 11:00 عەمرەکارەکان بگەڕێنەوە هەرێمی کوردستان، بەڵام بەهۆی کێشەیەکی تەکنیکییەوە گەشتەکەیان دواکەوت، کێشەکە چارەسەرکراوە و چەند کاتژمێرێکی دیکە دەگەنەوە سلێمانی.
ئەمە لەکاتێکدایە رۆژی هەینی رابردووش 155 عومرەکاری دیکە بە هەماهەنگی لەگەڵ دەستەی باڵای حەج و عومرەی عێراق، گەڕێنرانەوە هەرێمی کوردستان.
باکگراوند: کۆمپانیای فڵای بەغدا کۆمپانیایەکی فڕۆکەوانی عێراقییە و رۆژی دووشەممە 22-01-2024، بەتۆمەتی بەقاچاغبردنی دۆلار، گواستنەوەی چەک و چەکدار و هاوکاریکردنی سوپای پاسدارانی ئێران و گرووپە چەکدارەکانی نزیک ئەو وڵاتە لە عێراق، سووریا و لوبنان، لەلایەن وەزارەتی گەنجینەی ئەمریکاوە سزای بەسەردا سەپێندرا، کۆمپانیاکەش تۆمەتەکان رەتدەکاتەوە، لە یەکەم کاردانەوەشدا سەرجەم گەشتەکانی بۆ کاتێکی نادیار راگرت.
زیاتر لەسەر ئەم بابەتانە بکۆڵەرەوە
ئاڤا دیجیتاڵ
Editor
دوایین هەواڵەکان
- کوردستان
- 51 خولەک لەمەوپێش
جموجۆڵەکانی چەکدارانی داعش لە سنووری کەرکووک لە زیادبوونە
- عێراق
- 1 کاتژمێر لەمەوپێش
مەندەلاوی سەرۆکایەتی کۆبوونەوەی لیژنەی ماددەی 140 دەکات
- جیهان
- 1 کاتژمێر لەمەوپێش
سویسرا بە باشترین وڵاتی جیهان دەستنیشان دەکرێت
- تەندروستی
- 1 کاتژمێر لەمەوپێش
جۆرێکی نوێی ڤایرۆسی کۆرۆنا بڵاودەبێتەوە
- کوردستان
- 1 کاتژمێر لەمەوپێش
کێشەی فاکەڵتی پزیشکی زانکۆی کۆیە چارەسەر دەکرێت
هەڵبژاردەکان بۆ تۆ
سویسرا بە باشترین وڵاتی جیهان دەستنیشان دەکرێت
1 کاتژمێر لەمەوپێش
گەشتکردن پڕۆسەی پیربوون دوادەخات
10 کاتژمێر لەمەوپێش
بەردێکی دەگمەن بەهاکەی زیاتر لە یەک ملیۆن دۆلارە
15 ئەیلوول
ئەو خواردن و خواردنەوانەی ڕەنگی ددانەکان دەگۆڕن
15 ئەیلوول
یەکێتی فەرمانگە حکومییەکان بۆ بانگەشەی هەڵبژاردن بەکاردەهێنێت
15 ئەیلوول