عێراق 340 تۆن خۆراک و دەرمان بۆ غەززە دەنێرێت

ئاڤا نیوز

مانگی سووری عێراقی 340 تۆن خۆراک و دەرمان، بە هاوکاری حکومەتی عێراقی  ڕەوانەی غەززە دەکات.

لێدوانی فەرمی:" بەهۆی زۆریی قەبارەی یارمەتییەکە بڕیاردراوە بە بارهەڵگر بگوازرێنەوە و هەر لەبەر ئەوەش زیاتر لە دوو هەفتە دەخایەنێت تا دەگاتە دەروازەی ڕەفەح". غەسان سوینی بەرپرسی ڕاگەیاندنی مانگی سووری عێراقی وای بە ئاڤا نیوز وت.

ئەوەی پێویستە بیزانیت: یارمەتییەکان بە ڕێگەی وشکایی بۆ ئوردن و دواتر بە ڕێگەی دەریاوە ڕەوانەی میسر دەکرێت بۆ ئەوەی بگەیێنرێتە غەززە.

زانیاریی زیاتر: قەبارەی یارمەتییەکە لە 300 تۆن خۆراک و 40 تۆن دەرمان پێکدێت. 

باكگراوند: لە حەوتی ئۆكتۆبەری ساڵی ڕابردووەوە شەڕ لە غەززە لەنێوان ئیسرائیل و حەماس بەردەوامە، تائێستا نزیكەی 35 هەزار كەس كوژراون و دەیان هەزار كەسی دیكەش برینداربوون.