ئاڤا دیجیتاڵ
بەراورد بە 10 رۆژی رابردوو، بەهای تمەنی ئێران دابەزینێکی بەرچاوی بەخۆیەوە بینیوە، ئەمەش كاریگەری نەرێنی زۆری لەسەر بازاڕی ئێران و ڕۆژهەڵاتی كوردستان دروستکردووە، ئەگەر هەیە زیاتریش دابەزێت.
چیرۆکی سەرەکی: رۆژ لە دوای رۆژ بەهای دراوی ئێرانی "تمەن" لە دابەزیندایە، تەنیا لە ماوەی هەفتەیەکدا نزیکەی لە 15% دابەزیوە، ئەمەش خەڵکی ئێران و ڕۆژهەڵاتی کوردستان نیگەرانکردووە، بەشێوەیەک دۆخی ژیانیان تا دێت قورستر دەبێت و، رێژەی هەژاری زیاد دەکات.
لێدوانی فەرمی: هاژە سەڵاح، کارمەندی تاک نرخ بۆ ئاڵوگۆڕی دراو بە ئاڤا میدیا راگەیاند، ئەمڕۆ شەممە 27-1-2024، بەهای 100 ھەزار تمەنی ئێرانی بەرامبەر بە دوو هەزار و 885 دیناری عێراقییە، هەروەها 100 دۆلار بەرامبەر بە پێنج ملیۆن و 250 هەزار تمەنە، بەمەش بەراورد بە 10 رۆژی رابردوو نرخی دراوەکە نزیکەی لە 15% دابەزیوە.
ئەوەی پێویستە بیزانیت: ئێران لەگەڵ ئەوەی دۆخی ئابووری ناوخۆی وێرانبووە، كەچی پارەیەکی زۆر کەرتی سەربازی خەرج دەکات و بەردەوام بەشێوەی راستەوخۆ یان گرووپە چەکدارەکانی نزیکی، بە درۆن و مووشەک هێرش دەکاتە سەر وڵاتانی دراوسێ. لە دیارترین هێرشەکان شەوی 15 لەسەر 16ی ئەم مانگە، هێرشێکی کردە سەر هەرێمی کوردستان و بەهۆیەوە پێنج کەس گیانیان لەدەستدا و شەش کەسی دیکەش برینداربوون، هاوکات هێرشی کردە سەر سووریاش، رۆژێک دواتریش بە ژمارەیەک مووشەک هێرشی کردە سەر وڵاتی پاکستان.
لە وەڵامی هێرشە مووشەکییەکەدا کە کاردانەوەیەکی فراوانی لەسەر ئاستی کوردستان و عێراق و جیهان لێکەوتەوە، ژوورە بازرگانییەكانی هەولێر داوایان لە بازرگانان و خەڵكی كوردستان كرد كاڵای ئێرانی بایكۆت بكەن، ئەم داوایە نیگەرانیی ژووری بازرگانیی ئێرانی لێكەوتەوە، بە یەكێك لە هۆكارەكانی ناسەقامگیربوونی بازاڕی دراوی ئێران و دابەزینی بەهای دراوی ئەم وڵاتەش دادەنرێت.
ئاڤا دیجیتاڵ
Editor
دوایین هەواڵەکان
- کوردستان
- 49 خولەک لەمەوپێش
جموجۆڵەکانی چەکدارانی داعش لە سنووری کەرکووک لە زیادبوونە
- عێراق
- 1 کاتژمێر لەمەوپێش
مەندەلاوی سەرۆکایەتی کۆبوونەوەی لیژنەی ماددەی 140 دەکات
- جیهان
- 1 کاتژمێر لەمەوپێش
سویسرا بە باشترین وڵاتی جیهان دەستنیشان دەکرێت
- تەندروستی
- 1 کاتژمێر لەمەوپێش
جۆرێکی نوێی ڤایرۆسی کۆرۆنا بڵاودەبێتەوە
- کوردستان
- 1 کاتژمێر لەمەوپێش
کێشەی فاکەڵتی پزیشکی زانکۆی کۆیە چارەسەر دەکرێت
هەڵبژاردەکان بۆ تۆ
سویسرا بە باشترین وڵاتی جیهان دەستنیشان دەکرێت
1 کاتژمێر لەمەوپێش
گەشتکردن پڕۆسەی پیربوون دوادەخات
10 کاتژمێر لەمەوپێش
بەردێکی دەگمەن بەهاکەی زیاتر لە یەک ملیۆن دۆلارە
15 ئەیلوول
ئەو خواردن و خواردنەوانەی ڕەنگی ددانەکان دەگۆڕن
15 ئەیلوول
یەکێتی فەرمانگە حکومییەکان بۆ بانگەشەی هەڵبژاردن بەکاردەهێنێت
15 ئەیلوول