ئوسترالیا 100 ملیۆن دۆلار هاوکاریی سەربازی پێشکەشی ئۆکراینا دەکات

ئاڤا نیوز

 

حکومەتی ئوسترالیا بڕیاریدا، نزیکەی 100 ملیۆن دۆلار هاوکاریی سەربازی بۆ ئۆکراینا بنێرێت.

 

وێنە گەورەکە: ئوسترالیا لە سەرەتای جەنگەوە بە کۆی گشتی 880 ملیۆن دۆلار هاوکاری سەربازی پێشکەش بە ئۆکرانیا کردووە، کۆی ئەو هاوکاریانەی پێشکەش بە وڵاتەکە کراوە گەیشتووەتە یەک ملیار دۆلار.

 

ڕاگەیێنراوی فەرمی: ڕیچارد دۆناڵد مارلێس، جێگری سەرۆکوەزیرانی ئوسترالیا و وەزیری بەرگریی ئوسترالیا ڕایگەیاند: "هاوکاری سەربازیی زیادە بە بەهای نزیکەی 100 ملیۆن دۆلار پێشکەش بە ئۆکرانیا دەکرێت".

 

زانیاریی زیاتر: جگە لەوە مەشق و ڕاهێنانی سەربازانی ئۆکراینا لەژێر سەرپەرشتی ئەو وڵاتە بەردەوام دەبێت.