لە پارێزگایەكی عێراق بۆ دیواری پڕۆژەیەک 103 ملیار دینار بەهەدەر دراوە
- هەواڵ
- 26 کانوونی دووەم
ئاڤا دیجیتاڵ
دەستەی دەستپاکی عێراق بەهەدەردانێکی دیکەی پارەی لە یەکێک لە پارێزگانی عێراق ئاشکراکرد، ئەو دەستەیە دەڵێت "بۆ دیواری شاری پیشەسازیی ناسریە 103 ملیار دینار زیاتر لە پێویستی تێچووەکە بەهەدەر دراوە".
چیرۆکی سەرەکی: ڕۆژی پێنجشەممە 25-1-2024، دەستەی دەستپاکی عێراق ڕایگەیاند جیاوازی پارەی پڕۆژەیەکیان ئاشکرا کردووە کە بەهای (103) ملیار دینار بووە و لە سەرووی تێچووی پڕۆژەیەک بووە لە پارێزگای زیقار.
ئەوەی لەوبارەیەوە دەگوترێت: "تیمێک لە فەرمانگەی لێکۆڵینەوەی پارێزگای زیقار پێکهێنرابوو، لە بەشی شاری پیشەسازی لە ناسڕییە، دوای کۆکردنەوەی زانیاری و بەدواداچوون و وردبینیکردن بۆ پڕۆژەی دروستکردنی دیواری شارە پیشەسازییەکە، ئەوەیان ئاشکرا کردووە کە 167 ملیار و 644 ملیۆن و 805 هەزار و 531 دینار، بۆ جێبەجێکردنی پڕۆژەکە خەرجکراوە، لە کاتێکدا تێچووی خەمڵێنراوەکەی تەنها 64 ملیار و 3 ملیۆن و 809 هەزار و 890 دیناربووە".
زانیاری زیاتر: لە وردبینی و لێکۆڵینەوە لە ژمارە بانکیەکاندا دەرکەوتووە کە کۆمپانیای جێبەجێکار 103 ملیار و 640 ملیۆن و 995 هەزار و 641 دینار زیاتر لە پێویستی تێچووی پڕۆژەکەی لەبانکی ڕافیدەین ڕاکێشاوە و ئەو پارەیەی وەرگرتووە.
ئەوەی پێویستە بزانیت: پڕۆژەی ستراتیژی شاری پیشەسازی زیقار لەسەر ڕووبەری دوو هەزار دۆنم دروست دەکرێت و بە یەکێک لە پڕۆژە گرنگ و ستراتیژیی و ئابووریەکان دادەنرێت، پڕۆژەکە بە دوو قۆناغ لەسەر ڕووبەری دوو هەزار دۆنم دروست دەکرێت، پێکهاتووە لە (باڵەخانەی نیشتەجێبوون، بنکەی تەندروستی، بنکەیەکی پۆلیس، شوێنی پشوودان، مۆڵ، حەوشەی عەمبارکردن و دانانی بار، کارگەی پیشەسازیی سووک و مامناوەند و وێستگەیەکی کارەبا و بینای خزمەتگوزاری گشتی).
باکگراوند: بەپێی ئامارەکانی ڕێکخراوی شەفافیەتی نێودەوڵەتی لە ساڵی 2022 لە نێو 184 وڵاتی جیهاندا عێراق پلەی 157 گرتووە لە گەندەڵیدا و گەندەڵیی ڕۆچووەتە ناو هەموو جومگەیەکی دامەزراوەکانی دەوڵەتەوە.
لەلایەکی دیکەوە: بەپێی ئامارەکان لە ساڵانی 2003 بۆ 2015 ڕێژەی داهاتی عێراق 850 ملیار دۆلار بووە و بڕی 450 ملیار دۆلاری بە شێوەی گەندەڵی بەهەدەر دراوە، هاوکات نێوان ساڵانی 2006 بۆ 2014 ملیارەها دۆلار بەهەدەر دراوە بۆ هەزاران پرۆژە، کە زۆربەیان جێبەجێ نەکراون.
ئاڤا دیجیتاڵ
Editor
دوایین هەواڵەکان
- کوردستان
- 49 خولەک لەمەوپێش
جموجۆڵەکانی چەکدارانی داعش لە سنووری کەرکووک لە زیادبوونە
- عێراق
- 1 کاتژمێر لەمەوپێش
مەندەلاوی سەرۆکایەتی کۆبوونەوەی لیژنەی ماددەی 140 دەکات
- جیهان
- 1 کاتژمێر لەمەوپێش
سویسرا بە باشترین وڵاتی جیهان دەستنیشان دەکرێت
- تەندروستی
- 1 کاتژمێر لەمەوپێش
جۆرێکی نوێی ڤایرۆسی کۆرۆنا بڵاودەبێتەوە
- کوردستان
- 1 کاتژمێر لەمەوپێش
کێشەی فاکەڵتی پزیشکی زانکۆی کۆیە چارەسەر دەکرێت
هەڵبژاردەکان بۆ تۆ
سویسرا بە باشترین وڵاتی جیهان دەستنیشان دەکرێت
1 کاتژمێر لەمەوپێش
گەشتکردن پڕۆسەی پیربوون دوادەخات
10 کاتژمێر لەمەوپێش
بەردێکی دەگمەن بەهاکەی زیاتر لە یەک ملیۆن دۆلارە
15 ئەیلوول
ئەو خواردن و خواردنەوانەی ڕەنگی ددانەکان دەگۆڕن
15 ئەیلوول
یەکێتی فەرمانگە حکومییەکان بۆ بانگەشەی هەڵبژاردن بەکاردەهێنێت
15 ئەیلوول