لە ماوەی هەفتەیەکدا مووچەی سەرجەم مووچەخۆران دابەش دەکرێت

ئاڤا نیوز

 

وەزارەتی دارایی لیستی مووچەی مووچەخۆرانی ڕەوانەی بەغدا کرد و دوای گەیشتنی پارەکە، لە ماوەی هەفتەیەک مووچە دابەش دەکرێت.

 

وێنە گەورەکە: ئێوارەی ئەمڕۆ، لیستی مووچەی مانگی چواری سەرجەم مووچەخۆرانی هەرێمی کوردستان ڕەوانەی وەزارەتی دارایی حکومەتی عێراق کرا و بڕیارە دوای وردبینی لە لیستەکان، مووچە بنێردرێت.

 

لێدوانی فەرمی: مەولوود سابیر، بەڕێوەبەری گشتیی بانکە بازرگانییەکان بە ئاڤا نیوزی گوت: "لەگەڵ گەیشتنی پارەکە، وەزارەتی دارایی لە ماوەی هەفتەیەکدا مووچەی مانگی چواری سەرجەم مووچەخۆران دابەش دەکات".

 

ئەوەی پێویستە بیزانیت: بڕیارە تاوەکو 25ـی ئەم مانگە، وەزارەتی دارایی عێراق مووچەی مانگی چواری سەرجەم مووچەخۆرانی هەرێمی کوردستان بنێرێت کە بڕەکەی 940 ملیار دینارە.