بۆچی بایدن بە گرنگییەوە باسی هەرێمی کوردستان دەکات؟

ئاڤا نیوز  

لە کۆبوونەوەی جۆ بایدن و سوودانی، چەندین پرسی پەیوەست بە هەرێمی کوردستان تاووتوێ کراون، لەنێویاندا ڕێککەوتنی سەرۆکوەزیران بارزانی و سوودانی.

وێنە گەورەکە: جۆ بایدن سەرۆکی ئەمریکا، لەگەڵ محەممەد شیاع سوودانی  سەرۆکوەزیرانی عێراق، پشتگیری ڕێککەوتنی نێوان هەولێر و بەغدایان سەبارەت بە بوودجە و مووچەی فەرمانبەرانی هەرێمی کوردستان کرد. 

 

بۆچی گرنگە: هەڵکەوتەی ستراتیژی هەرێمی کوردستان، وادەكات ئەمریکا وەک ناوەندێک بۆ چاودێری هەموو ڕۆژهەڵاتی ناوەڕاست  سەیری هەرێمی کوردستان بکات، جگە لە گرنگی پێگەی کوردستان لەسەر نەخشەی وزەی جیهان.

 

 

 

بۆ وەرگرتنی زانیاری ورد، ڕاپۆرتەکە بخوێنەرەوە

 

"ئەمریکا وەک دڵی ڕۆژهەڵاتی ناوەڕاست لە هەرێمی کوردستان  دەڕوانێت"

 

"سەقامگیری ئاسایشی کوردستان و ڕوانین لە هەرێم وەک ناوەندێکی دیپلۆماسی گرنگ بە تایبەت لەڕووی پێکەوەژیانی نەتەوە و ئایینە جیاوازەکان، ئەو هۆکارانە وادەکەن ئەمریکا وەک دڵی ڕۆژهەڵاتی ناوەڕاست لە هەرێمی کوردستان  بڕوانێت". ئەمە سەرنجی کارۆخ خۆشناو، سەرۆکی ئینستیتیوتی توێژینەوەی ئەمریکایی_کوردی بوو.

"بایدن جەختی لە تێبینییەکانی پارتی لەسەر هەڵبژاردن کردەوە"

بەبڕوای د.سەردار قادر، سیاسەتمەدار "بڕیارەکانی دادگەی فیدڕاڵی سەبارەت بەبنەمای بەڕێوەچوونی هەڵبژاردنی پەرلەمانی کوردستان، دەریخست کە پڕۆسەکە ئاراستەکراوە لە بەرژەوەندی چەند لایەنێکی دیاریکراو کە دەرەنجامەکەی هۆکارێک دەبوو بۆ سنووردارکردنی هەرێمی کوردستان."

"ئەمریکا گەیشتووەتە ئەو باوەڕەی ستەم لە هەرێمی کوردستان دەکرێت"

"لە ماوەی ڕابردوو دادگەی  فیدڕاڵی عێراق زنجیرەیەک بڕیاری دەرکرد کە ئامانج لێی لەقاڵبدانی هەرێمی کوردستان بوو، هەژموون و کاریگەری ئێران بەسەر ئەو بڕیارانەوە هەبووە، بۆیە زەقکردنەوەی ناوی هەرێمی کوردستان لە کۆبوونەوەی نێوان بایدن و سوودانی، پەیـامێکە کە ئەمریکا پاڵپشتیی لەهەرێمی کوردستان دەکات".

 کارۆخ خۆشناو، سەرۆکی ئینستیتیوتی توێژینەوەی ئەمریکایی-کوردی ئاماژەی بەوەدا.

 

باکگراوند: ڕۆژی 15-04-2024 ، جۆ بایدن و سوودانی لە کۆشکی سپی کۆبوونەوە، هاوبەشی ئەمنی و پەیوەندی ستراتیژی نێوان دوو وڵاتەکە و چەندین پرسی دیکە تاوتوێ كران.