بایدن و سوودانی- وێنە: میدیای عێراقی
ئاڤا نیوز
هەفتەی ڕابردوو محەممەد شیاع سوودانی، سەرۆکوەزیرانی عێراق، سەردانێکی فەرمی بۆ ئەمریکا کرد. لە سەردانەکەیدا لەگەڵ جۆ بایدنی سەرۆکی ئەمریکا و ژمارەیەک لە بەرپرسانی گرنگی ئەو وڵاتە کۆبووەوە.
وێنە گەورەکە: بابەتی سەرەکیی گفتوگۆکان ئەو پرسانە بوون کە بە لای عێراق و هەرێمی کوردستانەوە جیگەی بایەخ بوون. بە گشتی بابەتەکانی پەیوەست بە هەرێمی کوردستان بەشێکی گرنگ لە گفتوگۆکانی بە خۆیەوە تەرخان کرد.
زانیاریی زیاتر: بایدن دەستخۆشی لە هەوڵەکانی بەغدا و هەولێر کرد بۆ چارەسەرکردنی کێشەکانی نێوانیان، لە ناویشیاندا کێشەی مووچەی مووچەخۆرانی هەرێمی کوردستان. هەروەها پشتیوانیی ئەمریکای بۆ بەڕێوەچوونی هەڵبژاردنی ئازاد، دادپەروەر و شەفاف لە هەرێمی کوردستان دووپات کردەوە.
سپیکردنەوەی پارە یەکێک بوو لە تەوەرەکان
بایدن و سوودانی گفتوگۆیان لە سەر چاکسازی کەرتی دارایی کرد بۆ ڕووبەڕووبوونەوەی گەندەڵی و سپیکردنەوەی پارە. ئەوان هەروەها لە جەختیان لە سەر بەردەوامیی هەماهەنگی ئەمنی و سەربازییە باڵاکانی نێوانیان کردەوە. بەیاننامەی هاوبەشی ئاوستین و سوودانیش جەختی لە سەر بەهێزکردنی توانای هێزە ئەمنییەکانی عێراقییەکان، لە ناویشیاندا هێزەکانی پێشمەرگە، کردووەتەوە.
گرنگی هەناردەکردنەوەی نەوتی هەرێمی کوردستان یەکێک بوو لە تەوەرەکان
بایدن بەڵێنی دا پاڵپشتییەکانی ئەمریکا بۆ بەهێزکردنی ئابووری و دیموکراسیی عێراق بەردەوام بێت، لەگەڵ سوودانیش گرنگیی ڕۆڵی هەرێمی کوردستانیان لە بوژانەوە و سەقامگیریی عێراق تاوتوێ کرد، هەردووکیشیان جەختیان لە سەر گرنگیی هەناردەکردنەوەی نەوتی هەرێمی کوردستان کردەوە.
ئەم پرسانە پێویستیان بە یەکلاکردنەوە هەیە
لەگەڵ هەموو ئەمەدا، شارەزایان دەپرسن کە ئایا سوودانی لەو پێگەیەدایە کە بتوانێت بڕیار لە سەر هەناردەکردنەوەی نەوتی هەرێمی کوردستان بدات؟ چونکە ئەمە بابەتێکی فرە ڕەهەندە و پەیوەندیی بە ڕەهەندی دارایی، تەکنیکی، یاسایی، سیاسی و جیۆپۆلیتیکییەوە هەیە. بەرلەوەی هەناردەی نەوت دەست پێبکاتەوە، هەر یەک لەم پرسانە پێویستییان بە یەکلاکردنەوە و بڕیارلەسەردان هەیە.
زیاتر لەسەر ئەم بابەتانە بکۆڵەرەوە
ئاڤا دیجیتاڵ
Editor
دوایین هەواڵەکان
- بزنس
- 7 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 7 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 8 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 8 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
15 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
20 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
21 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 15 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن