ڕاکان جبووری دەیەوێت بە "نایاسایی" پرۆژە نوێیەکانی کەرکووک پەسەند بکات
- هەواڵ
- 25 کانوونی دووەم
ئاڤا دیجیتاڵ
ڕاکان جبووری، پارێزگاری بەوەکالەتی کەرکووک، 13ڕۆژ پێش کۆبوونەوەی ئەنجوومەنی نوێی پارێزگاکە، داوای لە فەرمانگەکان کردووە پلانی ساڵی 2024ـی شارەکەی ڕادەست بکەن، ئەندامێکی نوێی ئەنجوومەنەکەش دەڵێت: "ئەم بابەتە بەتەواوەتی نایاساییە".
بۆچی گرنگە: پەسەندکردنی پرۆژەکانی ساڵی 2024، پلانی ساڵێکی ئەنجوومەنی نوێی پارێزگای کەرکووک ڕادەگرێت و دوای پەسەندکردنی، ناتوانرێت دووبارە پەسەند بکرێتەوە. ئەمەش وادەکات بەیەکسانی پڕۆژەکانی لەنێو گەڕەکاندا دابەش نەکرێت، چونکە بەگوێرەی ئاماری شارەوانیی کەرکووک لە ساڵی 2023 تەنیا %15ـی پرۆژەکانی ئەو شارە لە گەڕەکە کوردنشینیەکان بووە.
لێدوانی فەرمی: کۆبوونەوەیەک لە دیوانی پارێزگای کەرکووک بە ئامادەبوونی سەرۆکی سەرجەم یەکە ئیدارییەکان و سەرۆکی فەرمانگە حکومییەکانی پارێزگاکە کرا. ڕاکان جبووری داوایکرد پلانی ساڵی 2024ـی پرۆژەکانی بۆ بنێرن بۆ ئەوەی ڕەزامەندیی بەغدای لەسەر وەرگرێت و بخرێنە بواری جێبەجێکردن.
"ئێمە لە شارەوانیی کەرکووک ئەو بابەتەمان ڕاگرتووە، تاوەکو ئەوکاتەی ئەنجوومەنی پارێزگای کەرکووک کۆدەبێتەوە، ئەوان بەشێوەیەکی یەکسان بڕیار لەسەر دابەشکردنی پرۆژەکان بۆ گەڕەکەکانی کەرکووک دەدەن، نەوەک بچێتە قاڵبی قۆرخکاری و تەنیا بۆ هەندێک شوێن کە خۆیان مەبەستیانە خزمەتگوزاریی ئەنجام بدرێت". ئەحمەد عومەر، سەرۆکی شارەوانیی کەرکووک ئەمەی بە ئاڤا میدیا گوت.
حەسەن مەجید، ئەندامی نوێی ئەنجوومەنی پارێزگای کەرکووک بۆ ئاڤا میدیا ئاماژەی بەوەدا: "ئەو داواکارییەی ڕاکان جبووری بەتەواوەتی نایاساییە، چونکە ناونیشانی خۆی یاریدەدەری پارێزگارە و ناتوانێت ئەو بڕیارانە بدات، جبووری پارێزگارێکی کاربەڕێکەرە ئەو پڕۆژانە دەبێت بە ڕەزامەندی ئەنجوومەنی نوێی پارێزگا بکرێن".
گۆشەیەکی دیکەی دیمەنەکە: بەگوێرەی ژمارەی دانیشتووانی سنووری پارێزگای کەرکووک، دەبێت %50ـی پرۆژەکانی شارەکە لە گەڕەکە کوردنشینەکان بکرێت. بەپێی پلانی پرۆژەکانی ساڵی 2023 زیاتر لە 400 ملیار دینار بۆ 210 پرۆژەی کەرکووک خەرجکراوە و ڕێژەیەکی کەمی بەر ناوچە کوردنشینەکان کەوتووە.
ئاڤا دیجیتاڵ
Editor
دوایین هەواڵەکان
- کوردستان
- 54 چرکە لەمەوپێش
ئێسکەپەیکەری ئاژەڵێکی دەگمەن لە کەرکووک دەدۆزرێتەوە
- ببینە و ببیستە
- 2 خولەک لەمەوپێش
دەبنەواز لەگەڵ ڕێبوار مەلازادە و مەریوان سەراوی
- بزنس
- 16 خولەک لەمەوپێش
بانکی ناوەندیی عێراق فرۆشتنی دۆلاری دەستپێکردەوە
- کوردستان
- 1 کاتژمێر لەمەوپێش
جموجۆڵەکانی چەکدارانی داعش لە سنووری کەرکووک لە زیادبوونە
- عێراق
- 1 کاتژمێر لەمەوپێش
مەندەلاوی سەرۆکایەتی کۆبوونەوەی لیژنەی ماددەی 140 دەکات
هەڵبژاردەکان بۆ تۆ
سویسرا بە باشترین وڵاتی جیهان دەستنیشان دەکرێت
1 کاتژمێر لەمەوپێش
گەشتکردن پڕۆسەی پیربوون دوادەخات
10 کاتژمێر لەمەوپێش
بەردێکی دەگمەن بەهاکەی زیاتر لە یەک ملیۆن دۆلارە
15 ئەیلوول
ئەو خواردن و خواردنەوانەی ڕەنگی ددانەکان دەگۆڕن
15 ئەیلوول
یەکێتی فەرمانگە حکومییەکان بۆ بانگەشەی هەڵبژاردن بەکاردەهێنێت
15 ئەیلوول