میدیا جیهانییەکان: ئیسرائیل هێرشی کردووەتە سەر ئێران

ئاڤا نیوز

 

بەرەبەیانی ئەمڕۆ هەینی، دەنگی چەند تەقینەوەیەك لە تاران و ئەسفەهان بیستران؛ هەر زوو ئه‌نجوومه‌نی باڵای ئاسایشی نیشتمانیی وڵاتەکە، هەواڵەکەی ڕەت کردەوە.

 

بڵاوکراوە فەرمییەکان:

- ئیسرائیل 24: بنكەیەکی سەربازی لە ئەسفەهان كراوەتە ئامانج.
- فۆكس نیوزی ئەمریکی: تەقینەوە لە پارێزگای ئەسفەهان ڕوویداوە كە بنكەی ئەتۆمی نەتەنزی لێیە.
- دەنگی ئەمریكا: هێرشەكەی ئیسرائیل سنووردار بووە و ئەمریكا دەستی تێدا نەبووە.
- ئاژانسی تەنسیمی ئێرانی: هیچ هێرشێكی درۆنی نەکراوەتە سەر ئێران.
- شەبەكە خەبەری ئێرانی: دەنگۆی هێرشی درۆنی لە ئێران دوورە لە ڕاستییەوە.
- سەرچاوەکانی سکای نیوز عەرەبی: لە نیوە شەودا ئیسرائیل هێرشی کردوووەتە سەر ئێران، بەڵام درەنگ ڕاگەیێنرا. 

 

بۆچوونی لایەنی بەرامبەر: ئەنجومەنی باڵای ئاسایشی نیشتمانیی ئێران ڕایگەیاند: "هیچ هێرشێكی درۆنی و مووشەكی لە ئێران نەبووە و هەموو دەنگۆكان دوورن لە ڕاستییەوە".

 

لێدوانی فەرمی: ئیتمار بن غافیر، وەزیری ئاسایشی نەتەوەیی ئیسرائیل لەبارەی هێرشەکانی سەر ئێران دەڵێت: "ئێران لاوازە".