ئەمریکا دەیەوێت عێراق بۆ دابینکردنی کارەبا پشت بە غازی سروشتی هەرێمی کوردستان ببەستێت

ئاڤا نیوز

 

سەرۆکی ئەمریکا ئامانجییەتی بەرهەمی نێوخۆیی غازی سروشتی عێراق و هەرێمی کوردستان ببێتە شوێنگرەوەی ئێران بۆ دابینکردنی کارەبای وڵاتەکە.

 

وێنە گەورەکە: جۆ بایدن، سه‌رۆكی ئه‌مریكا لە کۆبوونەوەی لەگەڵ سوودانی سەرۆکوەزیرانی عێراق، جه‌ختی له‌سه‌ر به‌رده‌وامی پاڵیشتی واشنتن كردووه‌ بۆ هه‌وڵه‌كانی عێراق له‌ بواری نوێكردنه‌وه‌ی كه‌رتی وزه لە وڵاتەکە، ڕێگریکردن لە بەفیڕۆچوونی غازی سروشتی و‌ فه‌راهه‌مكردنی كاره‌با به‌شێوه‌یه‌كی باشتر لە بەرهەمی کێڵگە نێوخۆییەکان.

لێدوانی فەرمی: "عێراق ڕۆژانە پێویستی بە زیاتر لە هەزار و 500 مەتر سێجا غاز بۆ بەرهەمهێنانی کارەبا هەیە، بەگوێرەی وەرزەکانیش ئەم ڕێژەیە بەرز و نزمی تێدەکەوێت، دەتوانێت ئەم ڕێژەیە لە کێڵگەکانی هەرێمی کوردستان پڕ بکرێتەوە."
د. سەباح سوبحی، ئەندامی لیژنەی نەوت و گاز لە ئەنجوومەنی نوێنەرانی عێراق ئەوەی بە ئاڤا نیوز گوت.

 

زانیاریی زیاتر: تەنیا لە کێڵگەی غازی کۆرمۆر ڕۆژانە 800 ملیۆن مەتر سێجا غازی سروشتی بەرهەم دەهێنرێت. 

 

ژمارەکان وادەڵێن: ساڵانە عێراق شەش ملیۆن دۆلار هاوردەی بەنزین و پێویستییەکانی دیکەی وزە خەرج دەکات، کە بەشێکی زۆری ئەو پێویستیانە لە ئێرانەوە هاوردە دەکرێن.