ئەردۆغان بۆ خۆپیشاندەرانی باکووری کوردستان: ڕووبەڕووتان دەبینەوە

ڕۆژهەڵاتی ناوەڕاست
4 نیسان

شەیری بکە لە:

ئەردۆغان بۆ خۆپیشاندەرانی باکووری کوردستان: ڕووبەڕووتان دەبینەوە

ڕەجەب تەیب ئەردۆغان، سەرۆککۆماری عێراق. وێنە: ئاژانسی ئەنکا

ئاڤا نیوز

ئەردۆغان لە خۆپیشاندانەکانی چەند ڕۆژی ڕابردووی شارەکانی باکووری کوردستان نیگەرانە؛ پەیامێکیشی لە دژی خۆپیشاندەران بڵاوکردەوە و گوتی، ڕووبەڕوویان دەبینەوە.

وێنە گەورەکە: لە چەند ڕۆژی ڕابردوو لە بەشێكی شارەکانی باکووری کوردستان خۆپیشاندانی دەنگدەرانی دەمپارتی بۆ پشتیوانی لە عەبدوڵڵا زەیدان، بەربژێری پارتەکە بەڕێوەچوو.

چی ڕوویدا؟ عەبدوڵڵا زەیدان، بەربژێری براوەی دەمپارتی لە وان، توانی 55%ـی دەنگەکان بەدەستبهێنێت، بەڵام پۆستی سەرۆکی شارەوانیی شارەکە درا بە بەربژێرەکەی ئاکپارتی کە بە 130 هەزار دەنگ لەدواوەی بوو.

لێدوانی فەرمی: ڕەجەب تەیب ئەردۆغان، سەرۆککۆماری تورکیا لە خوانێکی بەربانگ لەگەڵ سەربازە پلەدارەکانی تورکیا گوتی: "هەر کەسێک بیەوێت شەڕ و ئاژاوەگێری بنێتەوە، هێزەکانمان ڕوووبەڕووی دەبنەوە و مشتەکۆڵەی تووندی دەوڵەتی بەردەکەوێت".

لەلایەکی دیکەوە: بە گوێرەی زانیارییەکانی میدیا تورکییەکان، بۆ کۆنترۆڵکردنی دۆخەکە نزیکەی 600 پۆلیس لە ئەنقەرە و ئیستەنبووڵەوە بە فڕۆکە گواستراونەتەوە بۆ وان.

ئەمەش بزانە: زیاتر لە 132 خۆپیشاندەری شارەکانی باکووری کوردستان لەلایەن وەزارەتی ناوخۆی تورکیاوە دەستبەسەرکراون و پرۆسەکەش بەردەوامە.