پاپا فرانسیس کۆچی دوایکرد

ئاڤا نیوز

 

دوای تووشبوونی بە نەخۆشی هەوکردنی سییەکان، ئەمڕۆ پاپا فرانسیس پاپای ڤاتیکان لە تەمەنی 88 ساڵیدا کۆچی دوایکرد. 

 

وێنەگەورەکە: ڕۆژی دووشەممە، 21-4-2025 پاپا فرانسیس، پاپای ڤاتیکان دوای تووشبوونی بە نەخۆشی هەوکردنی سییەکان لە تەمەنی 88 ساڵیدا کۆچی دوایی کرد.

 

ڕاگەیێنراوی فەرمی: ڤاتیکان ڕایگەیاند: پاپا فرانسیس، ڕێبەری کاتۆلیکەکانی جیهان بەهۆی تێکچوونی دۆخی تەندروستییەوە ڕۆژی دووشەممە کۆچیی دوای کرد.

 

ئەوەی پێویستە بیزانیت: ڕۆژی 2025-03-23، پاپای ڤاتیکان دوای مانەوەی بۆ نزیکەی 40 ڕۆژ لە نەخۆشخانە بەهۆی نەخۆشی هەوکردنی سییەکان، پزیشکەکان ڕێگەیان پێدا نەخۆشخانە بەجێبهێڵێت بەڵام مەترسی لەسەر ژیانی هەبوو.

 

باکگراوند: پاپا فرانسیس ناوی ته‌واوی خۆرخێ ماریۆ بێرگێلیۆیە، به‌ ڕه‌گه‌ز ئیتاڵیه‌ به‌ڵام له‌دایكبووی شاری بۆینس ئایرسی پایته‌ختی ئه‌رژه‌نتینه‌، له‌ ڕێككه‌وتی 17/12/1936 له‌دایكبووه‌، یه‌كه‌م كه‌سی به‌ ڕه‌گه‌ز ئه‌مه‌ریكای لاتینیه‌ كه‌ ناسناوی پاپ وه‌رده‌گرێت.

 

- هاوكات دووه‌م كه‌سایه‌تی كاسۆلیكی ده‌ره‌وه‌ی كیشوه‌ری ئه‌وروپایه‌ له‌ دوای گریگۆری سێیه‌م ناسناوی پاپی وه‌رگرتووه‌.

- له‌ رێككه‌وتی 13ی ئاداری 2013ـه‌وه‌ وه‌ك 266ـه‌مین پاپای فاتیكان دیاریكراوه‌.


باکگراوند: پاپا، رۆژی 5ی 3ی 2021، سه‌ردانی عێراقی كرد و لە چوارچێوەی سەردانەکەیدا  ڕۆژی 7ی 3ی 2021 سه‌ردانی هه‌ولێری پایتەختی هەرێمی کوردستانی كرد.
 
-  هاوکات لەلایەن  نێچیرڤان بارزانی و مەسرور بارزانی پێشوازیی لێکرا. 

-  لە یاریگای نێودەوڵەتی فرانسۆ هەریری بە بەشداریی بەرپرسانی باڵای کوردستان و کونسوڵ و نوێنەری وڵاتان، بەشداریی لە ڕێوڕەسمی ئاینیی مەسیحی کرد بە بەشداری زیاتر لە 10 هەزار کەس.