دوو سەربازی دەستەبژێری ئەمریكا بەدوای چەكی ئێرانیدا دەگەڕان بەڵام بێسەروشوێن بوون
- هەواڵ
- 22 کانوونی دووەم
ئاڤا دیجیتاڵ
سوپای ئەمریكا دوێنێ یەكشەممە ڕایگەیاند دوای 10 ڕۆژ گەڕان بە دوای دوو سەربازی هێزی تایبەتی دەریاییدا، كە چووبوون بۆ دەستبەسەرداگرتنی چەكی ئێرانیی نێردراو بۆ حووسییەكان، نەدۆزراونەتەوە و ناچار دوو سەربازەكە بە مردوو لە قەڵەم دراون.
چیرۆكی سەرەكیی: پێشتر فەرماندەی ناوەندیی ئەمریكا ونبوونی دوو سەربازی دەستەبژێری هێزی تایبەتی دەریایی ئەمریكیی ڕاگەیاندبوو، دوو سەربازەكە لە 11ی ئەم مانگەدا بەشدارییان لە ئۆپەراسیۆنێكدا كردووە و لە كەناراوەكانی سۆماڵدا دەستیان بەسەر هەندێك كەرەستەی مووشەكدا گرتووە كە لە ئێران دروست كراون.
لێدوانی فەرمی: فەرماندەی ناوەندیی ئەمریكا ڕایگەیاند "بە داخەوە ڕایدەگەیەنین كە پاش 10 ڕۆژ گەڕانی چڕوپڕ، دوو سەربازەكەمان نەدۆزرانەوە و ناچارین بە مردوو لە قەڵەمیان بدەین.
"دەستەی بەدواداگەڕ پێیان ڕاگەیاندووین كە دوو سەربازەكە لەو كاتەدا دیار نەماون كە سواری بەلەمێك بوون كە چەكی پێشكەوتووی ئێرانیی تێدا بووە".
سەبارەت بە دەستبەسەرداگرتنی چەكەكانیش فەرماندەی ناوەندیی سووپای ئەمریكا ڕایگەیاندووە " لە تشرینی دووەمی ساڵی ڕابردووەوە كە حووسییەكان دەستیان كردووە بە هێرشكردنە سەر كەشتییە بازرگانییەكانی نێو دەریای سوور، ئەمە یەكەم جارە دەست بەسەر چەكی پێشكەوتووی كوشندەی ئێرانیدا بگرین كە بۆ حوسییەكانیان ناردووە".
باكگراوند: حووسییەكان لە مانگی تشرینی دووەمی 2023وە دەستیان كرد بە هێرشكردنە سەر كەشتییەكانی نێو دەریای سوور، ئەوەشیان ڕاگەیاند كە پەیوەندییان بە ئیسرائیلەوە هەیە و بۆ پاڵپشتیی فەڵەستینییەكانە لە غەزە.
ئەمریكا و بەریتانیا لە ڕۆژانی ڕابردوودا دەیان هێرشی ئاسمانییان كردە سەر پێگەی حووسییەكان. هێزی ئەمریكا لەو كاتەشەوە چەندین مووشەكی حووسییەكانی بە ئامانج گرتووە كە واشنتن دەڵێت ئەم مووشەكانە ئامادە بوون هەڕەشە بخەنە سەر خەڵكی سڤیل و كەشتیی دەریایی.
پاش هێرشەكانی ئەمریكا و هاوپەیمانەكانی، حووسییەكان ڕایانگەیاند كە بەرژەوەندییەكانی ئەمریكا و بەریتانیاش بۆیان بوونەتە ئامانجی ڕەوا و هێشتا ڕێگرییان لێ نەكراوە و بەردەوام هێرش دەكەنە سەر كەشتییەكان.
زانیاریی زیاتر: نزیكەی 12٪ی سەرجەم هاتووچۆی كەشتی لە نێوان ڕۆژهەڵات و ڕۆژئاوای گۆی زەویدا لە ڕێگەی نۆكەندی بابولمەندەبەوەیە، كە دەروازەی دەریای سوورە و لە باشووری ڕۆژئاوای یەمەن و جیبۆتیدایە، بەڵام كەشتییەكان بە هۆی هێرشەكانی حووسییەكانەوە ناچارن بە ڕێی ئەفریقادا بڕۆن، كە ڕێگەیەكی درێژترە.
ئاڤا دیجیتاڵ
Editor
دوایین هەواڵەکان
- کوردستان
- 4 کاتژمێر لەمەوپێش
پێنج بەربژێری دیکە لەلایەن کۆمیسیۆن دووردەخرێنەوە
- عێراق
- 4 کاتژمێر لەمەوپێش
دادگای فیدراڵی دەستەی میدیا و پەیوەندییەکانی خستە ژێر دەسەڵاتی پەرلەمان
- بزنس
- 4 کاتژمێر لەمەوپێش
بایۆمەتریی مووچەی مامۆستایانی گرێبەست دەستپێدەكات
- بزنس
- 4 کاتژمێر لەمەوپێش
دەنگۆی هاوردەكردنی تەماتە بەنهێنی بۆ هەرێمی كوردستان ڕەتدەكرێتەوە
هەڵبژاردەکان بۆ تۆ
ڕەسووکە دەچێتە گوندی سرێشمەی باڵەکایەتی
5 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
8 کاتژمێر لەمەوپێش
کاتی دابەشکردنی مووچە لە کوردستان و عێراق یەکدەخرێت
9 کاتژمێر لەمەوپێش
نهێنیی تەقینەوەی بێتەلەکانی حیزبوڵڵای لوبنان ئاشکرا دەبێت
17 ئەیلوول
پەیجەر چییە و بۆچی چەكدارانی حیزبوڵڵا بەكاریدەهێنن؟
17 ئەیلوول