‎وەزارەتی پەروەردە لەڕێگەی تیشكی خۆرەوە كارەبا بۆ قوتابخانەكان دابیندەكات

ئاڤا دیجیتاڵ

‎وەزارەتی پەروەردەی حكومەتی هەرێمی كوردستان، بەنیازە كارەبا بۆ قوتابخانەكان دابینبكات لە ڕێگەی تیشكی خۆرەوە، ئەمەش لەڕێگەی كۆمپانیایەكی نێودەوڵەتییەوە دەكات.

‎چیرۆكە سەرەكییەكە: ڕۆژی دووشەممە 22-1-2024  وەزیری پەروەردەی حكومەتی هەرێمی كوردستان، لەگەڵ بەرێوەبەری ئەوروپا و رۆژهەڵاتی ناوەڕاست لە دامەزراوەی ستێرلینگ كۆبوەوە بۆ قسەكردن لەسەر دانانی میكانیزمێك بۆ دابینكردنی قوتابخانەكانی هەرێمی كوردستان.

‎زانیاری زیاتر: لەكۆبوونەوەكەدا باس لە هەماهەنگی نێوان وەزارەتی پەروەردە و ڕێكخراوی ستێرلینگ كرا، سەبارەت بە ڕاهێنانی مامۆستایان و دروستكردن و نۆژەنكردنەوەی قوتابخانە و دابینكردنی كارەبا لەڕێگەی تیشكی خۆر "سۆلار سیستەم"بۆ قوتابخانەكان لە هەرێمی كوردستان كرا .

‎باكگراوند: لە هەرێمی كوردستان شەش هەزار و 804 قوتابخانەمان هەیە كە ملیۆنێك و 800 هەزار و 811 قوتابی تێدا دەخوێنن.