لە باکووری کوردستان بەربژێرێک لە بنکەیەکی دەنگدان تەقە لە پەرلەمانتارێک دەکات

ئاڤا نیوز

لە  بنکەیەکی دەنگدان لە شاری ئورفای باکووری کوردستان گرژی و ئاڵۆزی دروست دەبێت و بەربژێرێک لە نێو بنکەیەکی دەنگدان تەقە لە پەرلەمانتارێک دەکات.

 

وێنە گەورەکە: ئەمڕۆ بە بەشداری زیاتر لە 61 ملیۆن دەنگدەر و 34 پارتی سەرەكی هەڵبژاردنی شارەوانییەكان لە باکووری کوردستان و توركیا بەڕێوەدەچێت.

چیرۆکی سەرەکی: لە بنکەیەکی دەنگدان لە شاری ئورفای باکووری کورستان،  بەربژێرێکی ئاکپارتی بانگەشەی ئەوەی کردووە ساختەکاری دەکرێت و چەکی لەگەڵ خۆیدا بردووەتە ژوورەوە، دواتر گرژی و ئاڵۆزی دروست بووە و تەقەی لە ئەندامێکی دەم پارتی کردووە.

زانیاریی زیاتر:  ئاڤا نیوز زانیویەتی ئەو بەربژێرەی تەقەی لێکراوە عومەر ئۆجەلان، پەرلەمانتاری دەم پارتی بووە. پۆلیس و دەزگا ئەمنییەکان گەیشتوونەتە شوێنی ڕووداوەکە و دۆخەکە کۆنترۆڵ کراوە.

لەلایەکی دیکەوە: لە ئەنقەرە جەماوەر و لایەنگرانی دەم پارتی لە یەکێک لە بنکەکانی دەنگدان  بە بیانووی ئەوەی ساختەکاری دەکرێت گرژی و ئاڵۆزییان دروست کردووە.