وادەی ناردنی پرۆژەیاسای هەمواری بودجە بۆ پەرلەمانی عێراق ئاشکرا دەکرێت
- هەواڵ
- 18 کانوونی دووەم
![وادەی ناردنی پرۆژەیاسای هەمواری بودجە بۆ پەرلەمانی عێراق ئاشکرا دەکرێت](/_next/image?url=https%3A%2F%2Fassets.ava.news%2Fnews%2F338%2FlSOO5QTl41AxBFcPQAYG.jpg&w=3840&q=100)
ئاڤا دیجیتاڵ
جێگری سەرۆکی لیژنەی دارایی لە ئەنجوومەنی نوێنەرانی عێراق بۆ ئاڤا میدیا ڕایگەیاند، تاوەکو سەرەتای ئەم مانگە پرۆژەیاسای هەمواری بودجەی 2024 دەنێردرێتە ئەنجوومەنی نوێنەرانی عێراق و خوێندنەوەی بۆ دەکرێت.
چیرۆکە سەرەکییەکە: لە نووسراوێکدا وەزارەتی دارایی حکومەتی عێراق، کە 16-10-2023، ئاراستەی سەرجەم دامەزراوەکانی عێراقی کردووە، وەزارەتی دارایی حکومەتی هەرێمی کوردستانیشی تێدایە، داوای لیستی مووچەی فەرمانبەرانی کردووە، بەگوێرەی ئەم بڕیارە حکومەتی عێراق بەردەوام دەبێت لە ناردنی پارە بۆ مووچەی مووچەخۆرانی هەرێمی کوردستان، بەڵام لەسەر خەرجی ڕاستەقینە، ئامانجەکە ئەوەیە مووچەی مووچەخۆرانی هەرێمی کوردستان بخرێتە سەر خەرجی "حاکیمە" بۆ ئەوەی لە هەموو هاوکێشەیەک جیابکرێتەوە، هاوشێوەی بەشە خۆراکی مانگانە "لەگەڵ دابەشکردنی لە عێراق، پشکی هەرێمی کوردستانیش بنێردرێت".
لێدوانی فەرمی: ئامانجەکە ئەوەیە مووچەی فەرمانبەرانی هەرێمی کوردستان لەسەرجەم هاوکێشە یاسایی، سیاسیی، دارایی و ژمێریارییەکان جیابکرێتەوە، کۆدەنگی لەسەر ئەوەیە لە هەمواری بودجەی عێراق، مووچە وەک خەرجی حاکیمە سەیر بکرێت. ئەمە لێدوانی د.نەرمین مەعرووف، جێگری سەرۆکی لیژنەی دارایی بوو لە ئەنجوومەنی نوێنەرانی عێراق بۆ ئاڤا میدیا.
زانیاریی زیاتر: بەغدا داوای لە هەولێر کردووە، ژمارەی مووچەی فەرمانبەران، مووچەخۆران و خانەنشینان لەگەڵ بڕی مووچەکانیان یەکلایی بکرێتەوە، هاوکات پرۆسەی بە دیجیتاڵکردنی مووچەی فەرمانبەران، واتە هەموو فەرمانبەرێک لە ڕێگەی بانکەوە مووچەکەی وەرگرێت، ئەمە پێویستە لەلایەن شاندی هەردوولاوە یەکلایی بکرێتەوە.
ئەمەش بزانە: بۆ جێبەجێکردنی هەمواری پرۆژەیاسای بودجەی عێراق بۆ ساڵی 2024، لە ئەنجوومەنی وەزیران عێراق بەکۆی دەنگ ڕەوانەی ئەنجوومەنی نوێنەران کرا، پاشان خوێندنەوەی یەکەم، دووەم و سێیەمی بۆ دەکرێت و پەسەند دەکرێت. بەگوتەی د.نەرمین مەعرووف، ئەم ڕێککارانە زیاتر لە سێ هەفتەی پێویستە بۆ تەواوبوون.
باکگراوند: لە ماوەی ساڵی 2023 و سەرەتای ساڵی 2024، چەند جارێک شاندی هەرێمی کوردستان سەردانی بەغدای کردووە بە مەبەستی چارەسەری کۆتایی کێشەکانی نێوان هەولێر و بەغدا، لە 09-09-2023، وەزیری دارایی عێراق بانگهێشتی لیژنەی دارایی ئەنجوومەنی نوێنەرانی عێراق کرا، لەسەر جێبەجێکردنی پرۆژەیاسای هەمواری بودجە، هۆکاری کەمی پشکی هەرێمی کوردستان بۆ ئەوە دەگەڕێتەوە کە عێراق تەنیا "بودجەی تەشغیلی" خەرج کردووە و بودجەی وەبەرهێنان خەرج نەکراوە، بەمەش پشکی هەرێمی کوردستان لە خەرجی ڕاستەقینە کەمبوو.
![ئاڤا دیجیتاڵ](/_next/image?url=https%3A%2F%2Fassets.ava.news%2Fauthors%2F9%2F4CrE5qivtwCkb2ERXvg4DhqDtPBHQlgUUwFDS5Gm.jpg&w=256&q=75)
ئاڤا دیجیتاڵ
Editor
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- هەواڵ
- 17 کاتژمێر لەمەوپێش
جەزائیرییەکان سەرۆکێکی نوێ بۆ وڵاتەکەیان دیاری دەکەن