![چین ئامادەیە نێوەندگیری لەنێوان ئێران و پاکستان بکات](/_next/image?url=https%3A%2F%2Fassets.ava.news%2Fnews%2F335%2FtJG7uNnwkyNDYRLu1DXq.jpg&w=3840&q=100)
ئاڤا دیجیتاڵ
چین ڕایگەیاند ئامادەیە لەنێوان ئێران و پاکستاندا نێوەندگیریی بکات، ئەمەش دوای ئەوە دێت کە پاکستان لە وەڵامی هێرشەکانی ئێراندا، هێرشی کردە سەر وڵاتەکە، چین پێشتریش داوای دانبەخۆداگرتنی لە هەردوولا کردبوو.
چیرۆکە سەرەکییەکە: دوای هێرشەکانی ئێران بۆ سەر پاکستان و وەڵامدانەوەکانی پاکستان، پەیوەندیی نێوان ئەو دوو وڵاتە گرژیی تێکەوتووە، چین دەیەوێت ئەم گرژییانە کەم بکاتەوە.
لێدوانی فەرمی: ماو نینگ، گوتەبێژی وەزارەتی دەرەوەی چین لە کۆنگرەیەکی ڕۆژنامەوانیدا ڕایگەیاند، بەو پێیەی پەیوەندیی باشیان لەگەڵ هەریەکە لە تاران و ئیسلامئاباد هەیە، ئامادەیە نێوەندگیریی لەنێوانیاندا بکات و وڵاتەکەی ئامادەیە لە هێورکردنەوەی دۆخەکەدا ڕۆڵێکی بوونیادنەر بگێڕێت، ئەگەر هەردوولا پێویستیان بەو نێوەندگیرییە هەبێت. ئەو گوتی چین هیوادارە کە هەردوولا ئارام و دانبەخۆداگربن تاوەکو ڕێگە لە زیاتربوونی گرژییەکان بگرن.
ئەوەی پێویستە بیزانیت: چین پەیوەندییەکی سیاسی و ئابووری باشی لەگەڵ هەریەکە لە ئێران و پاکستان هەیە. هەردوو وڵاتەکە بەشێکن لە پرۆژەی یەک پشتێنە – یەک ڕێگە، کە بە ڕێگەی ئاوریشمی نوێ ناسراوە. چین گرژیی نێوان ئێران و پاکستان بە زیان بۆ بەرەوپێشبردنی بەرژەوەندییەکانی دەزانێت.
باکگراوند: ڕۆژی سێشەممە، سوپای پاسدارانی ئێران بە پاساوی هێرشکردنە سەر بارەگاکانی ڕێکخراوی جەیشولعەدل، هێرشی مووشەکی و درۆنی کردە سەر خاکی پاکستان. پاکستان هێرشەکەی بێ وەڵام نەهێشتەوە و ڕۆژی پێنجشەممە، هێرشی کردە سەر چەند ناوچەیەک لەناو خاکی ئێران.
ئەمەش بزانە: ڕۆژێک بەر لە هێرشەکانی بۆ سەر پاکستان، ئێران هێرشی مووشەکی کردە سەر هەولێر، بە پێچەوانەی پاکستانەوە، کاردانەوەکانی عێراق سەربازی نەبوون، بەڵکو دیپلۆماسی بوون و لە هەوڵیشدایە لەڕووی یاساییەوە و بە تۆمارکردنی سکاڵا لە ئەنجوومەنی ئاسایش وەڵامی هێرشەکانی ئێران بداتەوە.
زانیاریی زیاتر: پاکستان وڵاتێکی موسڵمانی زۆرینە سوننییە. ژمارەی دانیشتووانەکەی 243 ملیۆن کەسە و خاوەن 170 کڵاوەی ئەتۆمیی هەیە.
![ئاڤا دیجیتاڵ](/_next/image?url=https%3A%2F%2Fassets.ava.news%2Fauthors%2F9%2F4CrE5qivtwCkb2ERXvg4DhqDtPBHQlgUUwFDS5Gm.jpg&w=256&q=75)
ئاڤا دیجیتاڵ
Editor
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- هەواڵ
- 17 کاتژمێر لەمەوپێش
جەزائیرییەکان سەرۆکێکی نوێ بۆ وڵاتەکەیان دیاری دەکەن