لیستی مووچە ڕاگەیێنرا

ئاڤا نیوز

 

وەزارەتی دارایی و ئابووری حكومەتی هەرێمی كوردستان لیستی مووچەی مانگی شووباتی ڕاگەیاند و بڕیارە لەماوەی چوار ڕۆژدا دابەش بکرێت.

ڕاگەیێنراوی فەرمی: بەپێی لیستەکە، ڕۆژی شەممە 30-3-2024، بە وەزارەتی تەندروستیی دەست بە دابەشکردنی مووچە دەکرێت و تاوەکو ڕۆژی دووى نیسان تەواو دەبێت.

زانیاریی زیاتر: بەهۆی نەناردنی پارەی تەواو لەلایەن بەغداوە، هەر یەک لە وەزارەتی دارایی سەرۆکایەتیی ئەنجوومەنی وەزیران، سەرۆکایەتیی هەرێمی کوردستان، سەرۆکایەتیی پەرلەمانی کوردستان، دیوانی وەزارەتی پێشمەرگە و لیواکان، هێزەکانی 70 و 80، ئەنجوومەن و دەزگای ئاسایش، بەڕێوەبەرایەتیی دامودەزگا نەوتییەکان، بەڕێوەبەرایەتیی گشتیی ڕەگەزنامە، هێزەکانی زێرەڤانی و فەرماندەیی بەرگری و فریاکەوتن، لە لیستی مووچەدا نین.

ئەوەی پێویستە بیزانیت: دوێنێ سەرۆکوەزیران بارزانی وەزارەتی دارایی و ئابووری ڕاسپارد بۆ دەستپێکردنی دابەشکردنی مووچەی سەرجەم مووچەخۆران بۆ مانگی شووباتی 2024 و بڕیاریدا بە ڕاسپاردنی گشت وەزارەت و دامەزراوەکانی هەرێم بۆ ئامادەکردنی لیستی مووچەی سەرجەم مووچەخۆرانی هەرێم بۆ مانگی ئاداری 2024 تاوەکو ئاراستەی حکوومەتی فیدراڵ بکرێت بۆ خەرجکردنی.

 

وێنەی لیستەكە