![سەرۆک بارزانی: دەستبەرداری دۆزی ڕەوای گەلەكەمان نابین](/_next/image?url=https%3A%2F%2Fassets.ava.news%2Fnews%2F316%2FOv83BAN8RMktwi0rLzLx.jpeg&w=3840&q=100)
ئاڤا دیجیتاڵ
سەرۆك بارزانی ڕایگەیاند " هەرگیز لەگەڵ گرژی و ئالۆزی و تێكچوونی پەیوەندیمان لەگەڵ هیچ وڵاتێك نین بە پێچەوانەوە دەمانەوێت پەیوەندییەكانمان هاوسەنگ و دۆستانەبن، ئاماژەشی بەوەدا بەمجۆرە پەلامارانە ئیرادەی گەلی كوردستان ناشكێ بەڵكو بەهێزتر و پتەوتر دەبێت"، باڵیۆزی بەریتانیاش لەعێراق ڕایگەیاند " نابێت عێراق و هەرێمی كوردستان بكرێنە گۆڕەپانی توندوتیژی وڵاتانی ناوچەكە".
چیرۆكە سەرەكییەكە: ڕۆژی چوارشەممە 17-1-2024 لە سەڵاحەددین سەرۆك مەسعود بارزانی پێشوازی لە ستیڤن هیچن باڵیۆزی بەریتانیا لە عێراق كرد، لە دیدارەكەدا، باڵیۆزی بەریتانیا بە سەرۆك بارزانی راگەیاند "سەردانەكەیان بۆ گەیاندنی هاوسۆزی و پشتیوانیی وڵاتەكەیە بۆ خەڵك و هەرێمی كوردستان لە بەرامبەر ئەو پەلامارە بێ پاساوانەی كە لە لایەن سوپای پاسدارانی ئێران كراوەتە سەر هەرێمی كوردستان، هەروەها پرسە و سەرەخۆشیی خۆی گەیاندە سەرۆك بارزانی بۆ شەهیدبوونی چەند هاوڵاتیەكی سڤیل لەو ڕووداوەدا.
لێدوانی فەرمیی: "بەریتانیا ڕێز لە پاراستنی یەكپارچەیی و سەروەری خاكی عێراق دەگرێت و نابێت عێراق و هەرێمی كوردستان بكرێنە گۆڕەپانی توندوتیژی وڵاتانی ناوچەكە و پێویستە عێراق و وڵاتانی دراوسێ ڕێز لە سەروەری خاكی یەكتر بگرن" باڵیۆزی بەریتانیا لەعێراق وای گوت.
لە لایەكی دیكەوە: سەرۆك بارزانی "سوپاسی پشتیوانی و هاوسۆزی و هاوخەمیی باڵیۆز و حكومەتی بەریتانیای كرد، بەناوی گەلی كوردستان و بنەماڵەی شەهید و قوربانیانی كارەساتەكەی هەولێر، هەروەها جەختی لەوە كردەوە كە هەمیشە خوازیاری هەبوونی پەیوەندی دۆستانە و بەهێزی هەرێمی كوردستان و عێراقین لەگەڵ وڵاتانی دراوسێ لەسەر بنەمای ڕێزگرتنی هاوبەش".
سەرۆك بارزانی رایگەیاند "ئەو هێرشەی لەلایەن سوپای پاسدان كرایە سەر هەولێر بە بیانووی ناڕاست و بێ بنەما، زوڵمێكی گەورە بوو لە گەلی كوردستان كرا و پێشێلكردنی سەروەریی خاكی عێراق و هەرێمی كوردستان بوو، بەم جۆرە پەلامارانە ئیرادەی گەلی كوردستان ناشكێ بەڵكو بەهێزتر و پتەوتر دەبێت".
لە درێژەی دیدارەكەدا سەرۆك بارزانی ئاماژەی بەوەدا " هەرگیز لەگەڵ گرژی و ئاڵۆزی و تێكچوونی پەیوەندیمان لەگەڵ هیچ وڵاتێك نین بە پێچەوانەوە دەمانەوێت پەیوەندییەكانمان هاوسەنگ و دۆستانەبن، بەڵام ناچینە ژێر باری سەپاندنی بڕیار و سیاسەتی خۆسەپێن لەلایەن هیچ وڵاتێك و دەستبەرداری بەها بەرز و پیرۆزەكانی خۆمان و دۆزی ڕەوای گەلەكەمان نابین لە ژێر هیچ فشار و پەلامارێكدا".
باكگراوند: درەنگانی شەوی دووشەممە 15-1-2024، سوپای پاسدارانی ئێران بە چەند مووشەكێكی بالیستی هێرشی كردە سەر هەولێر و چەند ناوچەیەكی مەدەنی كردە ئامانج، بەهۆیەوە پێنج كەس گیانیان لەدەستداو شەش كەسیش برینداربوون.
![ئاڤا دیجیتاڵ](/_next/image?url=https%3A%2F%2Fassets.ava.news%2Fauthors%2F9%2F4CrE5qivtwCkb2ERXvg4DhqDtPBHQlgUUwFDS5Gm.jpg&w=256&q=75)
ئاڤا دیجیتاڵ
Editor
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- هەواڵ
- 17 کاتژمێر لەمەوپێش
جەزائیرییەکان سەرۆکێکی نوێ بۆ وڵاتەکەیان دیاری دەکەن