![پاکستان سەرجەم کۆبوونەوە باڵاکانی لەگەڵ ئێران هەڵپەسارد](/_next/image?url=https%3A%2F%2Fassets.ava.news%2Fnews%2F307%2FjygOneRwzyJdM4NB7Kb9.jpg&w=3840&q=100)
مومتاز زەهرا، گوتەبێژی وەزارەتی دەرەوەی پاکستان
ئاڤا دیجیتاڵ
وەزارەتی دەرەوەی پاکستان رایگەیاند، باڵیۆزەکەی لە تاران گەڕاندووەتەوە وڵاتەکەی و لەم کاتەشدا رێگە بە گەڕانەوەی باڵیۆزی ئێران بۆ ئیسلام ئاباد نادات. هاوکات پاکستان سەرجەم دیدارە پلە باڵاکانی لەگەڵ ئێران هەڵپەسارد.
چیرۆکە سەرەکییەکە: حکومەتی پاکستان بەهۆی هێرشە مووشەکی و درۆنییەکانی ئێرانەوە بۆ ناو خاکی وڵاتەکەی و بۆ دەربڕینی ناڕەزایی، باڵیۆزی خۆی لە تاران کشاندەوە و کاربەڕێکەری باڵیۆزخانەی ئێرانیشی لە ئیسلامئاباد بانگهێشت کردبوو، بەڵام ئەو دیپلۆماتە لە ئێران بووە، بۆیە ئێستا رایگەیاندووە، رێگە بە گەڕانەوەی بۆ پاکستان نادات.
لێدوانی فەرمی: مومتاز زەهرا، گوتەبێژی وەزارەتی دەرەوەی پاکستان، لە کۆنگرەیەکی رۆژنامەوانیدا رایگەیاند، باڵیۆزی وڵاتەکەی لە تاران کشاندووەتەوە و لەم کاتەشدا رێگە بە گەڕانەوەی باڵیۆزی ئێران بۆ ئیسلامئاباد نادات.
لەلایەکی دیکەوە: چین داوای لە هەردوو دەوڵەتی پاکستان و ئێران کردووە دان بە خۆیاندا بگرن و کارێک نەکەن ببێتە هۆی زیاتربوونی گرژییەکان.
ئەمەش بزانە: پاکستان خاوەن چەکی ئەتۆمییە. 170 کڵاوەی ئەتۆمیی هەیە. ژمارەی دانیشتووانەکەی 243 ملیۆن کەسە.
باکگراوند: رۆژی سێشەممە سوپای پاسداران رایگەیاند، کە هێرشی مووشەکی و درۆنی بۆ شارۆچکەی پەنجگور لەناو خاکی پاکستان کردووە. ئەمەش بە پاساوی کردنە ئامانجی پێگەکانی رێکخراوی جەیشولعەدل.
پێش کاردانەوەی پاکستان، هەرێمی کوردستان و عێراقیش لە بەرامبەر هێرشە مووشەکییەکەی سەر هەولێر، هەڵوێستیان بەرامبەر ئێران وەرگرت. ئەمڕۆ سێشەممە سەرۆکوەزیران مەسرور بارزانی و سەرۆکوەزیران محەممەد شیاع سوودانی کۆبوونەوەکانیان لەگەڵ وەزیری دەرەوەی ئێران لە داڤۆس هەڵوەشاندەوە.
![ئاڤا دیجیتاڵ](/_next/image?url=https%3A%2F%2Fassets.ava.news%2Fauthors%2F9%2F4CrE5qivtwCkb2ERXvg4DhqDtPBHQlgUUwFDS5Gm.jpg&w=256&q=75)
ئاڤا دیجیتاڵ
Editor
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- هەواڵ
- 17 کاتژمێر لەمەوپێش
جەزائیرییەکان سەرۆکێکی نوێ بۆ وڵاتەکەیان دیاری دەکەن