بنەماڵەی پێشڕەو دزەیی پەیامێک ئاراستەی بەغدا و کۆمەڵگەی نێودەوڵەتی دەکەن
- ڕاپۆرت
- 17 کانوونی دووەم
ئاڤا دیجیتاڵ
بنەماڵەی پێشڕەو دزەیی لە پەیامکێدا داوا لە حکومەتی هەرێمی کوردستان و حکومەتی عێراق و کۆمەڵگەی نێودەوڵەتی دەکەن کاری جددی بکەن بۆ ئەوەی هێرشی هاوشێوە دووبارە نەبنەوە. هیواشیان خواست خوێنی قوربانییەکان بەفیڕۆنەچێت و تۆڵەیان بکرێتەوە.
چیرۆکە سەرەکییەکە: بە بەشداریی سەرۆک بارزانی و چەندین بەرپرس و سەدان کەس، رۆژی سێشەممە 16-1-2024 تەرمی پێشڕەو دزەیی و کچەکەی لە گۆڕستانی باقرتە لە سنووری پارێزگای هەولێر بەخاکسپێردرا.
شەوی دووشەممە، 15-01-2024، سوپای پاسدارانی ئێران بە ژمارەیەک مووشەکی بالیستیک چەند ناوچەیەکی سڤیلنشینی هەولێری بۆردوومان کرد، یەکێک لەو شوێنانە ماڵی پێشڕەو دزەیی، سەرمایەداری دیاری هەولێر بوو لە ڕێگای پیرمام، بەهۆیەوە خۆی و کچێکی تەمەن 11 مانگ و، سەرمایەدارێکی عێراقی هاوڕێی و خزمەتگوزارێکی گیانیان لەدەستدا (خزمەتگوزارێکیشی تاوەکو ئێستا بێسەروشوێنە)، شەش کەسیش برینداربوون، کە پێکهاتوون لە هاوژینی و، دوو کوڕی و چێشتلێنەرەکەی و ، دوو کارمەندی دیکەی، هێرشەکەش لەسەر ئاستی کوردستان و عێراق و جیهان کاردانەوەی فراوانی لێکەوتەوە.
لێدوانە فەرمییەکان: ڕێباز حەملان، یاریدەدەری سەرۆکوەزیرانی هەرێمی کوردستان کە لە گۆڕستان ئامادەبوو، قسەی بۆ رۆژنامەنووسان کرد و رایگەیاند: هەموو ئەو تۆمەت و قسانەی باسدەکرێن دوورن لەڕاستییەوە، پێشڕەو دزەیی لە ماڵی خۆی لەگەڵ خانەوادەکەی دانیشتووە و تەنها یەک میوانی هەبووە، ئەویش کەسێکی ناسراو بووە". مەبەستی لە میوانەکە سەرمایەداری عێراقی میخائیل کەرەم، خاوەنی کۆمپانیای مەناهیل ئەلڕەیان و، بریکاری کۆمپانیاکانی سامسۆنگ و سۆنی بوو لە عێراق.
هاوکات دڵشاد شەهاب، گوتەبێژی سەرۆکایەتیی هەرێمی کوردستان لە لێدوانێکی رۆژنامەوانیدا داوای لە حکومەتی عێراق کرد چۆن وەک هەمیشە دووپاتی دەکەنەوە خەمخۆری سەروەری عێراقن، دەبێت ئێستا بیسەلمێنن عێراق سەروەری هەیە. گوتیشی: "هەر نەرمی نواندێک بەرامبەر ئەو دەستدرێژییەی لەڕێگەی هەولێر و هەرێمی کوردستانەوە کراوەتە سەر عێراق، قبوڵنەکراوە و بەتووندی رەتیدەکەینەوە".
گۆشەیەکی دیکە: هێرشە مووشەکییەکەی سەر هەولێر کۆدەنگی سیاسی لە هەرێمی کوردستان دروستکرد، هەمووان پێکەوە دەنگی نیگەرانی و ناڕەزاییان لە پێشێلکردنی خاکی هەرێمی کوردستان و بەئامانجگرتنی خەڵکی مەدەنی دەربڕی.
دەرباز کۆسرەت رەسووڵ، ئهندامی مهكتهبی سیاسی یهكێتیی نیشتمانیی كوردستان بەهەمانشێوە قسەی بۆ رۆژنامەنووسان کرد و گوتی: ئێمە وەکو یەکێتی سەرکۆنەمان کردووە و دژی ئەوەین هەرێمی کوردستان ببێتە شوێنی یەکلاکردنەوەی ململانێکان، سەرۆکایەتی هەرێم و حکومەتیش بەردەوام جەخت لەسەر ئەمە دەکەنەوە".
لەلایەکی دیکەوە: بنەماڵەی پێشڕەو دزەیی لە گۆڕستان روویان لە هێزە سیاسییەکانی هەرێمی کوردستان کرد یەکگرتووبن، داواشیان لە کۆمەڵگەی نێودەوڵەتی کرد کار بۆ ئەوە بکەن هێرشی هاوشێوە دووبارەنەبنەوە و شەهیدانی بنەماڵەکەیان دوایین قوربانی پەلامارەکان بن.
د. عەبدوڵا مەجید، برای پێشڕەو دزەیی داوای لە حکومەتی هەرێم و حکومەتی عێراق کرد هەردوولا پێکەوە رێگەچارەیەک بدۆزنەوە بۆ ئەوەی چیتر ئەو گێرەشێوێنی و مووشەکبارانە لەسەر خەڵکی مەدەنی نەبێت، هیواشی خواست "خوێنی کاکە پێشڕەو بەفیڕۆنەچێت و تۆڵەی بکرێتەوە".
زیاتر لەسەر ئەم بابەتانە بکۆڵەرەوە
دوایین هەواڵەکان
- کوردستان
- 4 کاتژمێر لەمەوپێش
پێنج بەربژێری دیکە لەلایەن کۆمیسیۆن دووردەخرێنەوە
- عێراق
- 4 کاتژمێر لەمەوپێش
دادگای فیدراڵی دەستەی میدیا و پەیوەندییەکانی خستە ژێر دەسەڵاتی پەرلەمان
- بزنس
- 4 کاتژمێر لەمەوپێش
بایۆمەتریی مووچەی مامۆستایانی گرێبەست دەستپێدەكات
- بزنس
- 4 کاتژمێر لەمەوپێش
دەنگۆی هاوردەكردنی تەماتە بەنهێنی بۆ هەرێمی كوردستان ڕەتدەكرێتەوە
هەڵبژاردەکان بۆ تۆ
ڕەسووکە دەچێتە گوندی سرێشمەی باڵەکایەتی
5 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
8 کاتژمێر لەمەوپێش
کاتی دابەشکردنی مووچە لە کوردستان و عێراق یەکدەخرێت
9 کاتژمێر لەمەوپێش
نهێنیی تەقینەوەی بێتەلەکانی حیزبوڵڵای لوبنان ئاشکرا دەبێت
17 ئەیلوول
پەیجەر چییە و بۆچی چەكدارانی حیزبوڵڵا بەكاریدەهێنن؟
17 ئەیلوول
- جیهان
- 11 ئەیلوول
یەکەم دیبەیتی ترەمپ و هاریس بەڕێوەچوو