چیرۆكی ئەو باوكەی كوڕەكەی ناو نا "پێشڕەو"

ئاڤا دیجیتاڵ

" بۆ ئەوەی دوژمنانی كورد بزانن، گەر پێشڕەوێك شەهید بكەن، ڕۆژانە سەدان پێشڕەوی دیكە لە دایك دەبن، ناوی كوڕەكەم ناوە پێشڕەو." ئەمە گوتەی مامگرد حەسەنە بۆ ئاڤا، ئەو باوكەی ناوی كوڕەكەی ناوە پێشڕەو.

چیرۆكە سەرەكییەكە: مامگرد حەسەن، پێشمەرگەیەكی هێزەكانی زێرەڤانییە دانیشتووی سنووری قەزای ئاكرێیە، ڕۆژی سێشەممە 16-01-2024، لە میحوەری خازر لە ئەركدابووە، لە نەخۆشخانەی ئاكرێ كوڕەكەی لەدایك دەبێت و ناوی دەنێت پێشڕەو.

باكگراوند: كاتژمێر 11:30ـی شەوی ڕابردوو، سوپای پاسدارانی ئێران بە مووشەكی بالیستیكی هێرشی كردە سەر چەند شوێنێك لە هەولێر، بەهۆیەوە پێنج هاووڵاتی گیانیان لەدەستدا و شەشی دیكە برینداربوون، لەنێویاندا پێشڕەو دزەیی،  گەورە بازرگانی شاری هەولێر كە خاوەنی فالكۆن گروپ و ئیمپایەر، لە بۆردوومانەكەدا خۆی و هاوسەرەكەی گیانییان لەدەستدا.