قەتەر شاندێکی وەبەرهێنەر و خاوەنکارانی وڵاتەکەی دەنێرێتە هەرێمی کوردستان

ئاڤا دیجیتاڵ 

 
سەرۆکوەزیرانی قەتەر لە کۆبوونەوەی لەگەڵ سەرۆکوەزیران بارزانی ڕایگەیاند، شاندێکی وەبەرهێنەر و خاوەنکارانی قەتەری دەنێرنە هەرێمی کوردستان. 

 

چیرۆکی سەرەکی: ڕۆژی سێشەممە 16-01-2024 لە داڤۆس، سەرۆکوەزیران بارزانی لەگەڵ شێخ محەممەد بن عەبدولرەحمان ئالسانی، سەرۆکوەزیران و وەزیری دەرەوەی قەتەر کۆبووەوە.

 

لێدوانی فەرمی: دوایین بارودۆخی گشتیی عێراق و ناوچەکەیان تاوتوێ کرد و جەختیان لە پەرەپێدانی پەیوەندیی دوولایەنە و وەبەرهێنان و هاتنی وەبەرهێنەرە قەتەرییەکان بۆ هەرێمی کوردستان کردەوە. 

 

بابەتە ستراتیژییەکان:  بڕیارە شاندێکی وەبەرهێنەر و خاوەنکارانی قەتەری بۆ بەهێزترکردنی پەیوەندییە ئابوورییەکانی هەردوولا سەردانی هەرێمی کوردستان بکەن.