حكومەتی هەرێمی كوردستان 25 مێردمنداڵی بێسەرپەرشت دادەمەزرێنێت

ئاڤا دیجیتاڵ

لەسەر ڕەزامەندیی ئەنجوومەنی وەزیرانی هەرێمی كوردستان، وەزارەتی کار و كاروباری كۆمەڵایەتی، 25 مێردمنداڵی بێسەرپەرشت كە تەمەنیان دەگاتە 18 ساڵ دادەمەزرێنێت.

چیرۆكە سەرەكییەكە: وەزارەتی كار و كاروباری كۆمەڵایەتیی هەرێمی كوردستان بڵاوی كردەوە: سەرۆكی حكومەتی هەرێمی كوردستان ڕەزامەندی دەربڕی بۆ بەگرێبەستکردنی ئەو منداڵانەی لە خانەكانی كوران و كچانی بێسەرپەرشت تەمەنیان دەگاتە 18 ساڵ، ژمارەیان 25 مێردمنداڵە.

 لێدوانی فەرمی: یەكەمجارە لەدوای كابینە یەک لەدوای یەكەكانی حكومەتی هەرێمی كورستان، كابینەی نۆیەم كۆتایی بە كێشەی ئەو مێردمنداڵانە هێنا. لە ڕاگەیێنراوێک وەزارەتی کار و کاروباری کۆمەڵایەتی وای گوت.

باكگراوند: لە ڕێكەوتی 10-08-2023 نووسینگەی وەزیری كار و كاروباری كۆمەڵایەتی حكومەتی هەرێمی كوردستان نوسراوێكی ئاراستەی نوسینگەی تایبەتی سەرۆكوەزیران بارزانی كردووە، ئاماژەی بە نووسراوی سەرۆكایەتیی ئەنجوومەنی وەزیران كردووە لە ڕێكەوتی 27-07-2023 تایبەت بە ڕەزامەندیی سەرۆكوەزیران بارزانی سەبارەت بە خانەكانی كوڕان و كچان تایبەت بە دامەزراندنی ئەو منداڵانەی كە تەمەنیان دەگاتە 18 ساڵ لە خانەكان وەک گرێبەست دابمەزرێت.

چارەسەر: نووسراوەكە لە 14-01-2024 ڕەزامەندی هاتووەتەوە و داوا دەكات وێنەیەک لە بەڵگەنامەكانی ئەو نەوجەوانانە بەمەبەستی دامەزراندنیان بنێردرێت.