بلینکن بۆ سەرۆکوەزیران بارزانی: ئاسایش و سەقامگیریی هەرێمی کوردستان دەپارێزین
- هەواڵ
- 16 کانوونی دووەم
ئاڤا دیجیتاڵ
وەزیری دەرەوەی ئەمریکا لە کۆبوونەوەیەکدا لەگەڵ سەرۆکوەزیران بارزانی پاڵپشتیی ئەمریکای بۆ هەولێر دووپاتکردەوە و جەختی کردەوە کە ئاسایش و سەقامگیریی هەرێمی کوردستان دەپارێزن.
چیرۆكە سەرەكییەكە: ئەمڕۆ سێشەممە 16-01-2024 سەرۆکوەزیران بارزانی لە داڤۆس لەگەڵ ئەنتۆنی بلینکن، وەزیری دەرەوەی ئەمریکا کۆبووەوە و کۆبوونەوەکە بە تاوتوێکردنی هێرشەکانی سەر هەولێر دەستیپێکرد.
لێدوانی فەرمی: وەزیری دەرەوەی ئەمریکا بەتوندترین شێوە سەرکۆنەی هێرشەکەی سەر هەولێری کرد و ڕایگەیاند "پێشێلکارییەکی ئاشکرای سەروەریی عێراقە"، هاوخەمی وڵاتەکەشی لەگەڵ بنەماڵە و کەسوکاری قوربانییانی هێرشەکە دەربڕی.
ئەو مانایەی دەیگەیێنێت: ئەمریکا پاڵپشتیی خۆی بۆ هەرێمی کوردستان دووپاتکردەوە و بڕیاری پاراستنی ئاسایش و سەقامگیریی هەرێمی کوردستان داوە، لە کۆبوونەوەکە بلینکن بە سەرۆکوەزیران بارزانی گوت: ئەمریکا و سەرۆک جۆ بایدن ئەم هێرشانە بۆ سەر هەرێمی کوردستان بە هەڕەشەی جددی وەردەگرن و هەوڵی پێویست بۆ پاراستنی ئاسایش و سەقامگیریی هەرێمی کوردستان دەدەن".
زانیاریی زیاتر: وەزیری دەرەوەی ئەمریکا هەروەها "سڵاو و ڕێز و پێزانینی بۆ سەرۆک مەسعود بارزانی هەبوو".
لەلایەكی دیكەوە: سەرۆكوەزیران بارزانی لە کۆبوونەوەکە جەختی کردەوە، "ئەم هێرشانە بێ پاساو و ناڕەوان و نابێ چیدیکە کۆمەڵگەی نێودەوڵەتی لەبەرامبەر ئەم پەلامارانە بێ دەنگ بێت".
بابەتی ستراتیژی: گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵ و دابینکردنی مافە دەستوورییەکانی هەرێمی کوردستان، تەوەرێکی دیکەی گفتوگۆکان بوو.
باكگراوند: كاتژمێر 11:30ـی خولەكی شەوی دووشەممە، 15-01-2024، سوپای پاسدارانی ئێران بە 15 مووشەكی بالیستیك چەند ناوچەیەكی سڤیلنشینی هەولێری بۆردوومان كرد، بەهۆیەوە پێنج کەس گیانیان لەدەستدا و شەش کەسی دیکەش برینداربوون.
ئاڤا دیجیتاڵ
Editor
دوایین هەواڵەکان
- ببینە و ببیستە
- 2 خولەک لەمەوپێش
دەبنەواز لەگەڵ ڕێبوار مەلازادە و مەریوان سەراوی
- بزنس
- 16 خولەک لەمەوپێش
بانکی ناوەندیی عێراق فرۆشتنی دۆلاری دەستپێکردەوە
- کوردستان
- 1 کاتژمێر لەمەوپێش
جموجۆڵەکانی چەکدارانی داعش لە سنووری کەرکووک لە زیادبوونە
- عێراق
- 1 کاتژمێر لەمەوپێش
مەندەلاوی سەرۆکایەتی کۆبوونەوەی لیژنەی ماددەی 140 دەکات
- جیهان
- 1 کاتژمێر لەمەوپێش
سویسرا بە باشترین وڵاتی جیهان دەستنیشان دەکرێت
هەڵبژاردەکان بۆ تۆ
سویسرا بە باشترین وڵاتی جیهان دەستنیشان دەکرێت
1 کاتژمێر لەمەوپێش
گەشتکردن پڕۆسەی پیربوون دوادەخات
10 کاتژمێر لەمەوپێش
بەردێکی دەگمەن بەهاکەی زیاتر لە یەک ملیۆن دۆلارە
15 ئەیلوول
ئەو خواردن و خواردنەوانەی ڕەنگی ددانەکان دەگۆڕن
15 ئەیلوول
یەکێتی فەرمانگە حکومییەکان بۆ بانگەشەی هەڵبژاردن بەکاردەهێنێت
15 ئەیلوول