ئەردۆغان بەر لە كۆتایی مانگی نیسان سەردانی عێراق دەكات

ئاڤا نیوز

ئەحمەد یەڵدز، یاریدەدەری وەزیری دەرەوەی تورکیا سەردانی باڵیۆزخانەی تورکیای لە بەغدا کرد و  ڕایگەیاند، سبەی  دەست بە پەیوەندی  و رێکخستنی کۆبوونەوەی وزاری لەگەڵ بەرپرسانی عێراق لە بەغدا دەکات، باسی لەوەشکرد پێش کۆتایی مانگی نیسان سەرۆککۆماری تورکیا سەردانی عێراق دەکات.

ئەوەی پێویستە بیزانیت: سبەی  وەزارەتی دەروەی تورکیا و وەزارەتی دەرەوەی عێراق کۆبوونەوەیان دەبێت و پێداچوونەوە بە پەیوەندییەکانیان دەکەن.

زانیاریی زیاتر: هەر لە سبەیەوە ئامادەکارییەکان بۆ سەردانەکەی ڕەجەب تەیب ئەردۆغان سەرۆک کۆماری تورکیا بۆ عێراق دەست پێدەکات، بابەتی سەرەکی ئامانجی سەردانەکەی ئەردۆغان پرسی پەکەکە و "پڕۆژەی ڕێگای گەشەپێدانی" نێوان عێراق و تورکیایە، کە دوو پرسی سەرەکین بۆ تورکیا. 

پێدراوە ڕاستەکان: بەپێی پلان و ئامادەکارییەکان، سەردانەکەی ڕەجەب تەیب ئەردۆغان پێش کۆتایی مانگی نیسان دەبێت. 

باکگراوند: دواین جار رەجەب تەیب ئەردۆغان لە ساڵی 2012 سەردانی عێراقی کرد. کە ئەو کات سەرۆکوەزیرانی تورکیا بوو.

بۆچی گرنگە: بەرپرسانی تورکیا ئەم سەردانە نێودەوڵەتییەی ئەردۆغان بۆ عێراق بە پێویست دەزانن، بۆ پتەوکردنی پەیوەندییە سیاسی و بازرگانییەکانی نێوان هەردوو وڵات.