سەرلەبەیانی ئەمڕۆ لیستی مووچەی مانگی چوار ڕەوانەی بەغدا کرا

ئاڤا نیوز

 

لیستی مووچەی مانگی چوار ڕادەستی وەزارەتی دارایی عێراق کراوە و دەست بە وردبینیکردن دەکرێت.

 

زانیاریی تایبەت: سەرچاوەیەک لە وەزارەتی دارایی و ئابووری حکومەتی هەرێمی کوردستان ڕایگەیاند: کاتژمێر 04:00ی سەرلەبەیانی ئەمڕۆ سێشەممە، لیستی مووچەی مانگی چوار لەلایەن تیمێکەوە بۆ دارایی عێراق نێردرا.

 

زانیاریی بەدەستهاتوو: سەرچاوەکەی وەزارەتی دارایی و ئابووری وتیشی: هەر ئەمڕۆ  دەست بە وردبینی لە لیستی مووچەی مانگی چوار دەکرێت، هەروەها دوای دوو ڕۆژی دیکەش تیمێکی وەزارەتی دارایی و ئابووری پەیوەندیدار بە پرسی وردبینی سەردانی بەغدا دەکات.

 

زانیاریی زیاتر: پێشنیوەڕۆی ئەمڕۆ 22-4-2025، داهاتی ناوخۆ کە بڕەکەی زیاتر لە 48 ملیار دینارە دەخرێتە سەر هەژماری لقی بانکی ناوەندی عێراق لە هەولێر.