سەرۆکوەزیران بارزانی: لەگەڵ کۆمەڵگەی نێودەوڵەتی لە پەیوەندی دەبین بۆ کۆتاییهێنان بەم هێرشانە
- هەواڵ
- 16 کانوونی دووەم
ئاڤا دیجیتاڵ
سەرۆکوەزیران بارزانی هێرشە مووشەکییەکانی ئەمشەوی هەولێر شەرمەزار دەکات و دەڵێت، لە ڕۆژانی داهاتوودا، لەگەڵ کۆمەڵگەی نێودەوڵەتی لە پەیوەندیی بەردەوامدا دەبین لەپێناو کۆتایی هێنان بەم هێرشە دڕندانانەی دەکرێنە سەر خەڵکی بێ تاوانی کوردستان.
چیرۆکی سەرەکی: درەنگانی شەوی دووشەممە 15-11-2024 ژمارەیەک مووشەک ئاراستەی هەولێر کران، هەر زوو سوپای پاسدارانی ئێران بەرپرسیارێتیی هێرشەکەی گرتەئەستۆ.
لێدوانی فەرمی: سەرۆکوەزیران بارزانی لەبارەی هێرشەکە پەیامێکی بڵاوکردەوە و گوتی: جارێکی دیکە هەولێری سەربەرز کرایەوە ئامانجی هێرشی موشەکیی سوپای پاسدارانی ئێران، بەداخەوە لە ئەنجامی ئەم هێرشە بێ پاساوە، شەهید و برینداری سڤیل هەیە.
لە پەیامەکەدا سەرۆکوەزیران بارزانی نووسیویەتی "داواکارم لە خوای گەورە، شەهیدەکان بە بەهەشت شاد بکات و بریندارەکان هەرچی زووتر چاک ببنەوە، بە توندی ئەم تاوانە بەرامبەر بە خەڵکی کوردستان شەرمەزار دەکەم."
ئەوەی پێویستە بیزانیت: چەندین جار هێرش کراوەتە سەر هەرێمی کوردستان، حکومەتی عێراق لەبەرامبەردا ڕاگەیێنراوی بڵاوکردووەتەوە و سەرکۆنەی هێرشەکانی کردووە، بەڵام سەرکۆنە و ڕاگەیێنراوەکان نەبوونەتە هۆی وەستاندنی هێرشەکانیان. کاتێک لە ڕێكکەوتی 31-12-2023، بە درۆن هێرش کرایە سەر بارەگایەکی هێزی پێشمەرگەی هەرێمی کوردستان لە ڕێگەی پیرمام – هەولێر، محەمەد شیاع سوودانی، فەرماندەی گشتیی هێزە چەکدارەکانی عێراق فەرمانی کرد دەزگا ئەمنییەکان لێکۆڵینەوەیەکی گشتگیر "لەبارەی هێرشە تاوانکارییەکەی سەر هەولێر" بکەن، بەڵام لێکۆڵینەوەکان بێ ئەنجامن و عێراق تاوەکو ئێستا هەڵوێستێکی کرداری بۆ ڕاگرتنی ئەم هێرشانەی کە سەروەریی خاکەکەی دەکەنە ئامانج، نەگرتووەتەبەر.
لەلایەکی دیکەوە: سەرۆکوەزیران بارزانی داوا لە حکومەتی فیدراڵی دەکات هەڵوێستی تووندیان هەبێت بەرامبەر بەم پێشێلکارییەی دەکرێتە سەر سەروەریی عێراق و بەتایبەتی هەرێمی کوردستان.
سەرۆکوەزیران بارزانی لە پەیامەکەیدا هەروەها داوا لە کۆمەڵگەی نێودەوڵەتی دەکات لەسەر ئەو ستەمکارییەی بەرامبەر بە خەڵکی کوردستان دەکرێت بێنە دەنگ و دەڵێت: لە ڕۆژانی داهاتوودا، لەگەڵ کۆمەڵگەی نێودەوڵەتی لە پەیوەندیی بەردەوامدا دەبین لەپێناو کۆتایی هێنان بەم هێرشە دڕندانانەی دەکرێنە سەر خەڵکی بێ تاوانی کوردستان.
بۆچوونی لایەنی بەرامبەر: سوپای پاسدارانی ئێران لەدوای هێرشەکەی سەر هەولێر ڕاگەیێنراوێکی بڵاوکردەوە و گوتی "بارەگاكانی سیخوووڕان و كۆبوونەوەی گرووپە تیرۆریستییەكانی دژ بە ئێرانمان لە ناوچەكە مووشەكباران كرد".
لە گۆشەیەکی دیکەوە: حکومەتی هەرێمی کوردستان چەندینجار ئەو دەنگۆیانەی ڕەتکردووەتەوە کە ئاماژە بە بوونی بارەگا و بنکەی ئیسرائیلی لە هەرێمی کوردستان دەکەن و ڕایگەیاندووە دوورن لە ڕاستییەوە.
باکگراوند: لە حەوتی ئۆكتۆبەری ساڵی ڕابردووەوە شەڕی نێوان ئیسرائیل و گرووپی چەکداری حەماس دەستیپێكرد، لەوکاتەوە گرووپە چەکدارەکانی سەر بە ئێران نزیكەی 130 هێرشیان لەعێراق و سووریا کردووەتە سەر بارەگاکانی ئەمریکا.
ئاڤا دیجیتاڵ
Editor
دوایین هەواڵەکان
- ببینە و ببیستە
- 1 خولەک لەمەوپێش
دەبنەواز لەگەڵ ڕێبوار مەلازادە و مەریوان سەراوی
- بزنس
- 15 خولەک لەمەوپێش
بانکی ناوەندیی عێراق فرۆشتنی دۆلاری دەستپێکردەوە
- کوردستان
- 1 کاتژمێر لەمەوپێش
جموجۆڵەکانی چەکدارانی داعش لە سنووری کەرکووک لە زیادبوونە
- عێراق
- 1 کاتژمێر لەمەوپێش
مەندەلاوی سەرۆکایەتی کۆبوونەوەی لیژنەی ماددەی 140 دەکات
- جیهان
- 1 کاتژمێر لەمەوپێش
سویسرا بە باشترین وڵاتی جیهان دەستنیشان دەکرێت
هەڵبژاردەکان بۆ تۆ
سویسرا بە باشترین وڵاتی جیهان دەستنیشان دەکرێت
1 کاتژمێر لەمەوپێش
گەشتکردن پڕۆسەی پیربوون دوادەخات
10 کاتژمێر لەمەوپێش
بەردێکی دەگمەن بەهاکەی زیاتر لە یەک ملیۆن دۆلارە
15 ئەیلوول
ئەو خواردن و خواردنەوانەی ڕەنگی ددانەکان دەگۆڕن
15 ئەیلوول
یەکێتی فەرمانگە حکومییەکان بۆ بانگەشەی هەڵبژاردن بەکاردەهێنێت
15 ئەیلوول