ئومێد خۆشناو: لەسنووری هەولێر 10 پۆند تەواوكراون و 43ـش لەجێبەجێكردن دان

ئاڤا نیوز

پارێزگاری هەولێر ڕایدەگەیەنێت، لە سنووری هەولێر 10 پۆند تەواو کراون و 43 پۆندیش لەجێبەجێکردن دان.

 

چیرۆکی سەرەکی: لە ناوچەی زرارەتیی لە گوندی زەرواوی سەر بە ناحیەی دارەشەکران، کارەکانی پۆندێکی نوێ بۆ گلدانەوەی ئاو تەواو بوو، بەمەش کۆی پۆندە تەواوکراوەکانی سنووری پارێزگای هەولێر گەیشتە 10 پۆند.

 

لێدوانی فەرمی: ئومێد خۆشناو، پارێزگاری هەولێر بە ئاڤای ڕاگەیاند، لەکۆی 45 پۆندی نوێ لە سنووری پارێزگای هەولێر کە لەژێر جێبەجێکردن دان، پێنجیان تەواو بوون و لەگەڵ ئەو پۆندانەی پێشتر دروستکرابوون، ئێستا کۆی گشتی پۆندەکانی هەولێر 10 پۆند تەواوکراون.

- سەرووی 40 پۆندی دیکەش هەریەکەیان بەڕێژەی جیاواز کاریان تێدا کراوە و بەشێکیان لەقۆناغی کۆتاییدایە و بەتەواوبوونیان ژمارەی پۆندەکانی هەولێر دەگاتە 53 پۆند.

 

بۆچی گرنگە: تەواوکردنی هەر پۆندێک کاریگەری ڕاستەوخۆی دەبێت لەسەر کەرتی کشتوکاڵ و زیادبوونی ئاوی ژێرزەوی لەو سنوورە.