حەماس پەیامێک ئاڕاستەی هەموو جیهان دەکات

ئاڤا نیوز

سەرکردەیەکی باڵای بزووتنەوەی حەماس داوای لە تەواوی جیهان کرد چەک هەڵبگرن بەمەبەستی بەرەنگاربوونەوەی پلانی ترەمپ سەبارەت بە غەززە و ڕاگواستنی خەڵکەکەی.

 

وێنە گەورەکە: دۆناڵد ترەمپ، سەرۆکی ئەمریکا پێشنیازێکی بۆ کەرتی غەززە خستەڕوو ئەویش  ڕاگواستنی زیاتر لە دوو ملیۆن خەڵکی غەززەیە بۆ وڵاتانی دراوسێی وەک میسر و ئوردن، بەڵام ئەم پێشنیازە لەلایەن هەردووک وڵات ڕەتکراوەتەوە.

 

ڕاگەیێنراوی فەرمی: سامی ئەبو زوهری، بەرپرسێکی باڵای بزووتنەوەی حەماس ڕایگەیاند،" لە بەرامبەر ئەم پلانە ترسناکەدا هەر کەسێک بتوانێت چەک هەڵبگرێت، لە هەر شوێنێکی جیهان، دەبێت هەنگاو بنێت با هەمووان بێدەنگی خۆیان بشکێنن''

 

کاریگەریی و لێکەوتەکان: ئەم بانگەوازە لە کاتێکدایە سەرۆکوەزیرانی ئیسرائیل جەختی لە بەردەوامی شەڕ لە غەززە کردەوە پشتگیری لە پلانی ترەمپ بۆ ڕاگواستنی فەلەستینییەکان کردەوە