ناسنامەی ئەو هێزە ئاشکرابوو کە لە گوندی کانی وەتمان لە هەلیکۆپتەرێک دابەزیبوون

ئاڤا نیوز

 

دوێنی دووشەممە لەلایەن هاونیشتمانیانی گوندی کانی وەتمان گرتە ڤیدیۆی هەلیکۆپتەرێک بڵاوکراوەتەوە کە چەند سەربازێک لە بەرزاییەوە دادەبەزن، ئەمەش ترس و نیگەرانی لای هاونیشتمانیان دروستکردبوو.

 

چیرۆکی سەرەکی: دوای ئەوەی گرتە ڤیدیۆی دابەزینی ژمارەیەک سەرباز لە هەلیکۆپتەرێک لە تۆڕە کۆمەڵایەتییەکان بڵاوکرایەوە، هەر زوو پرسیاری خەڵکی بەدوای خۆیدا هێنا، ئاڤا میدیاش بەدواداچوون بۆ ئەو پرسەکرد. 

 

لێدوانی فەرمی: کامەران عەبدوڵڵا، بەڕێوبەری ناحیەی خەلەکان بە ئاڤای ڕاگەیاند، سەبارەت بەو گرتە ڤیدیۆییە بە ڕاپۆرتێک سەرووی خۆمان ئاگادار کردووەتەوە، دواتر پێیان ڕاگەیاندووین مەشق و ڕاهێنانی هێزەکانی کۆماندۆیە لە سنوورەکە. 

 

زانیاریی زیاتر: ڕۆژانی 16 و 17ی ئەم مانگە دانیشتووانی ناحییەی خدران و گوندی کانی وەتمان ئەو هەلیکۆپتەرەیان بینیوە.