وەزارەتی دارایی بۆ وەزارەتەکان: تا یەکشەممە لیستی مووچەی مانگی سێ بنێرن

  • بزنس
  • 4 کاتژمێر لەمەوپێش
شەیری بکە لە:
وەزارەتی دارایی بۆ وەزارەتەکان: تا یەکشەممە لیستی مووچەی مانگی سێ بنێرن

لیستی مووچە و پارەی عێراقی جۆری 25 هەزار دیناری. گرافیک - ئاڤا نیوز

ئاڤا نیوز

وەزارەتی دارایی و ئابووری هەرمی کوردستان دوایین وادەی ناردنی لیستی مووچەی مانگی سێ بۆ وەزارەتەکان دیاری دەکات.

چیرۆکی سەرەکی: دوای ئەو بەربەستانەی خرایە بەردەم مووچەی مانگی دوو، حکومەتی هەرێمی کوردستان دەیەوێت بە زووترین کات لیستی مووچەی مانگی سێ ڕەوانەی بەغدا بکات، بۆ ئەوەی پێش جەژن مووچەی مانگی سێ دابەش بکرێت.

لێدوانی فەرمی: سەرچاوەیەک لە وەزارەتی دارایی بە ئاڤا میدیای ڕاگەیاند: داوا لە سەرجەم وەزارەتەکان کراوە تاوەکو ڕۆژی یەکشەممە 2025-03-16، لیستی مووچەی سەرجەم مووچەخۆران ڕەوانەی وەزارەتی دارایی بکرێت.

باکگراوند: سەرۆکوەزیران مەسرور بارزانی، لە دوایین کۆبوونەوەی ئەنجوومەنی وەزیران سەرجەم وەزیرەکانی ڕاسپارد لیستی مووچەی مانگی سێ بەپەلە ئامادە بکەن، تەنانەت لە ڕۆژانی پشوودا کاربکەن بۆ ئەوەی هەوڵ بدرێت پێش جەژن مووچەی مانگی سێ دابەش بکرێت.

شەیری بکە لە:

دوایین هەواڵەکان

هەڵبژاردەکان بۆ تۆ