ئاڤا نیوز
بەهۆی سووربوونی لایەنەکان لەسەر وەرگرتنی پۆستی پارێزگار، دوو مانگە هیچ ئاسۆیەک بۆ پێکهێنانی حکومەتی خۆجێیی کەرکووک نییە، سوودانیش دوو هەفتە مۆڵەت بە لایەنەکان دەدات.
چیرۆکی سەرەکی: کۆبوونەوەی دووەمی بەغداش بە سەرۆکایەتی محەممەد شیاع سوودانی، سەرۆکوەزیرانی عێراق بۆ پێکهێنانی حکومەتی خۆجێیی، نەیتوانی لایەنە براوەکانی کەرکووک یەکبخات، ئێستاش تەنها دوو هەفەتەیان لەپێشە بۆ ئەوەی لەسەر پرۆژەیەکی هاوبەش ڕێکبکەون. هاونیشتمانیانیش داوای زوو یەکلاکردنەوەی پۆستەکە دەکەن.
لێدوانە فەرمییەکان:
یەکێتی لە کەرکووک زۆرترین دەنگی هێناوە و خاوەنی پێنج کورسییە، بۆیە بە مافی خۆی دەزانێت پارێزگار بۆ ئەوان بێت. ڕەوند مەلا مەحموود، لێپرسراوی مەڵبەندی کەرکووکی یەکێتی بە ئاڤا نیوزی گوت: "حەزمان لە دواخستن نییە، حەزدەکەین بەزووترین کات پۆستەکە یەکلابکرێتەوە، بەڵام ئەوان دەزانن لیستی یەکەم کوردە، بۆیە دواخستن بۆ ئەوان زۆرترین دەستکەوتی دەبێت".
پارتی دیموکراتی کوردستان هەرچەندە کاندیدی بۆ پۆستی پارێزگار هەیە، بەڵام تاوەکو ئێستا سوورە لەسەر ئەوەی پارێزگار کوردێکی بێلایەن بێت. حەسەن مەجید، سەرۆکی فراکسیۆنی پارتی لە ئەنجوومەنی پارێزگای کەرکووک لە لێدوانێکی ڕۆژنامەوانیدا گوتی، هیوادارین کوردێک دەستنیشان بکەین ببێتە پارێزگار خزمەتی سەرجەم لایەنەکان بکات.
نەتەوەی تورکمان خوازیارە بۆ دوو ساڵ پۆستەکەی پێبدرێت و عەرەبیش نایەوێت دەستبەرداری پۆستەکە بێت. عەزام حەمدانی، گوتەبێژی ئەنجوومەنی سیاسی عەرەبی بە ئاڤا نیوزی گوت: وەکو پێکهاتەی عەرەب زیاتر لە بەربژێرێکمان هەیە بۆ پارێزگاری کەرکووک، سەرجەمیشیان توانای بەڕێوەبردنی شارەکەیان هەیە کە ڕەزامەندی شەقامی عەرەبی لەسەر بێت.
بۆچی گرنگە: زیاتر لە دوو مانگە هەڵبژاردنی ئەنجوومەنی پارێزگاکانی عێراق کراوە، بەڵام تائێستا پۆستی پارێزگاری کەرکووک یەکلایی نەکراوەتەوە، کورد چاوی لە وەرگرتنەوەی پۆستەکەیە کە لەدوای ڕووداوەکانی 16ی ئۆکتۆبەرەوە لەدەستی داوە.
زیاتر لەسەر ئەم بابەتانە بکۆڵەرەوە
![ئاڤا دیجیتاڵ](/_next/image?url=https%3A%2F%2Fassets.ava.news%2Fauthors%2F9%2F4CrE5qivtwCkb2ERXvg4DhqDtPBHQlgUUwFDS5Gm.jpg&w=256&q=75)
ئاڤا دیجیتاڵ
Editor
دوایین هەواڵەکان
- بزنس
- 4 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 4 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 5 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
12 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
17 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
18 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 12 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن