دەستەی ژینگە و گەشتوگوزار: لە نەورۆزدا تایە مەسووتێنن

ئاڤا نیوز

لە دیوانی دەستەی پاراستن و چاککردنی ژینگە ، کۆبوونەوەیەکی هاوبەش لە نێوان دەستەی گەشتوگوزار و دەستەی پاراستن و چاککردنی ژینگە سەبارەت بە هۆشیاریی ژینگەیی و گەشتیاری لە وەرزی گەشت و سەیران بەڕێوەچوو.

وێنە گەورەکە: کۆبوونەوەیەک لە دەستەی ژینگە بەڕێوەچوو، لەبارەی هۆشیارکردنەوەی هاونیشتیمانیان کە لەکاتی سەیراندا ژینگە بپارێزن و سەیرانگەکان پاکوخاوێن ڕابگرن.

لێدوانی فەرمی: عەبدولرەزاق خەیلانی، بەرێوەبەری فەرمانگەی هۆشیاری و ڕاگەیاندن لە دەستەی ژینگە بۆ ئاڤا نیوز گوتی: دەستەی گەشتوگوزار و دەستەی پاراستن و چاککردنی ژینگە چەند خاڵێکمان خستەڕوو کە پێویستە هاونیشتیمانیان پەیڕەوی بکەن.

- لە نەورۆزدا تایە مەسووتێنن.
- پاراستنی سەیرانگەکان و پاکڕاگرتنیان.
- دوای ئاگرکردنەوە لە سەیرانگەکان دڵنیابن لەوەی هیچ پاشماوەیەکی ئاگر نەماوە.
- پاراستنی دارستانەکان و نەشکاندنی دار.
- فڕێنەدانی پاشماوەکان لە سەیرانگەکان.
- دروستکردن و ئامادەکردنی خواردن بەو بڕەی کە دەخورێت، بۆ ئەوەی نەبێتە پاشماوە.
- پیس نەکردنی ڕووبار و چەمەکان.
- گوێڕایەڵیی پۆلیسی پاراستنی شوێنە گەشتیارییەکان و سەیرانگەکان.
- دوورکەوتنەوە لەو شوێنانەی کە مەترسی هەبوونی مینی لێدەکرێت.
- ڕاونەکردن و ئازارنەدانی ئەو گیانلەبەرە کێویانەی کە لە نزیک شوێنە گشتیاریەکان هەن.