دادگەی میسر بڕیاری لەسێدارەدان بۆ رێبەری ئیخوان موسلمین دەردەکات

ئاڤا نیوز

 

یەکەمین بازنەی تیرۆر لە دادگەی تاوانەکانی ئاسایشی دەوڵەت لە میسر، سزای لەسێدارەدانی بەسەر محەممەد بەدیع، رێبەری ئیخوان و هەشت سەرکردەی ئەو ڕێکخراوە سەپاند.

 

چیرۆکی سەرەکی: دوای چەند رۆژێک لە ڕووخانی محەممەد مورسی، سەرۆکی پێشووی مسر لە ساڵی 2013،  ئەندام و لایەنگرانی ئیخوان لە مەیدانی 'ڕابیعەی عەدەویە' دژی یاساکانی دەوڵەتی میسر وەستانەوە، داوای پەکخستنی بڕگەکانی دەستوور و یاسا، دامودەزگاکانی دەوڵەت و دەسەڵاتە گشتیەکانیان دەکرد.

 

لەلایەکی دیکەوە: دەسەڵاتدارانی میسر زۆربەی ئەندامانی ئەو رێکخراوەیان بە تۆمەتی هێرشکردنە سەر ئازادی کەسیی هاووڵاتیان و زیانگەیاندن بە یەکێتیی نەتەوەیی و ئاشتی کۆمەڵایەتی دەستگیرکران.

 

ئەوەی پێویستە بیزانیت: لەنێو ئەوانەی کە سزای لەسێدارەدانیان بەسەردا سەپێنراوە، ڕێبەری بەوەکالەت مەحموود عیزەتە کە لە مانگی ئابی 2020 لە قاهیرە دوای ئەوەی چەند ساڵێک خۆحەشاردان، دەستگیرکرا.