وەزیری گەنجینەی ئەمریکا سەردانی ئۆکراینا دەکات

 

ئاڤا نیوز

سکۆت بێسنت، وەزیری گەنجینەی ئەمریکا بۆ تاوتوێ کردنی شەری ئۆکراینا سەردانی ئەو وڵاتە دەکات و لەگەڵ ڤۆلۆدیمێر زێلینسکی کۆدەبێتەوە.

وێنە گەورەکە: سکۆت بێسنت وەزیری گەنجینەی ئەمریکا لەم هەفتەیەدا سەردانی  ئۆکراینا دەکات، ئەم سەردانەی بێسنت لە کاتێکدایە  ئیدارەی ئەمریکا هەوڵدەدات کۆتایی بە شەڕی ڕووسیا و ئۆکراینا بهێنێت و هەوڵی بەدەستهێنانی  سامانە سرووشتییەکانی ئۆکراینا دەدات.

ڕاگەیێنراوی فەرمی: ڕۆژی چوارشەممە، دۆناڵد ترەمپ، سەرۆکی ئەمریکا ڕایگەیاند: ''سکۆت بێسنت،  وەزیری گەنجینەی ئەمریکا دەنێرم بۆ ئۆکراینا بۆ ئەوەی چاوی بە ڤۆلۆدیمیر زێلینسکی بکەوێت و ئەم شەڕە دەبێت بە زووترین کات کۆتایی پێبهێنرێت''.

لەلایەکی دیکەوە: ڤۆلۆدیمێر زێلینسکی پێشتر ڕایگەیاندبوو، ئەمریکا مافی ئەوەی هەیە دەستێوەردان لە سامانە سرووشتییەکانی ئۆکراینا بکات، چونکە زۆرترین هاوکاری ئێمەی کردووە، بۆیە دەبێت زۆرترین داهاتی هەبێت.