بڕیارێکی نوێ لە وەزارەتی ناوخۆ بۆ شۆفێران

ئاڤا نیوز

به‌مه‌به‌ستی هاندانی هاووڵاتیان بۆ به‌كارهێنانی ئۆتۆمبێلی ته‌واو كاره‌بایی كه‌ به‌شداره‌ له‌ كه‌مكردنه‌وه‌ی مه‌ترسیه‌كانی ژینگه‌، وەرگرتنی پارەی ژینگه‌ی ئۆتۆمبێلی كاره‌بایی هه‌ڵگیرا.

چیرۆکی سەرەکی: وه‌زیری ناوخۆی حكومه‌تی هه‌رێمی كوردستان، رێنمایی ژماره‌ دووی ساڵی 2025 واژۆكرد، كه‌ له‌ 2025-02-16، ده‌چێته‌ بواری جێبه‌جێكردن، تایبەتە بە لێخۆشبوونی پارەی یاسایی ساڵانەی ژینگە.

ڕاگەیێنراوی فەرمی: وەزارەتی ناوخۆی حکومەتی هەرێمی کوردستان ڕایگەیاند: به‌گوێره‌ی ئه‌و رێنماییه‌ تۆماركردنی یه‌كه‌مین جار بۆ ئۆتۆمبێلی ته‌واو كاره‌بایی بێ به‌رامبه‌ر‌ی دارایی و بێ وه‌رگرتنی بڕه‌ پاره‌ی یاسایی ساڵانه‌ی ژینگه‌ ده‌بێت.

ئەوەی پێویستە بیزانیت: ئه‌م رێنماییه‌ له‌ چوارچێوه‌ی بایه‌خی به‌رده‌وام و رێنوێنیه‌كانی سەرۆکوه‌زیران، مه‌سرور بارزانی یه‌، بۆ كه‌مكردنه‌وه‌ی مه‌ترسیه‌كانی پیسبوونی ژینگه‌ و هاندانی هاونیشتیمانیان بۆ به‌كارهێنانی ئۆتۆمبێلی كاره‌بایی.