قوباد تاڵەبانی: کەرکووکییەکان سیاسەتکردنیان ناوێت و حکومڕانی باشیان دەوێت

ئاڤا نیوز

جێگری سەرۆکی حکومەتی هەرێمی کوردستان، داوا لەو ئەندامانەی ئەنجوومەنی پارێزگای کەرکووک دەکات کە بە هەر هۆکارێک بەشداری کۆبوونەوەکان ناکەن، بگەڕێنەوە هۆڵەکانی کۆبوونەوە.

وێنە گەورەکە: ئەمڕۆ 6-5-2025، قوباد تاڵەبانی، جێگری سەرۆکی حکومەتی هەرێمی کوردستان، سەردانی کەرکووکی کرد و لەگەڵ پارێزگار و سەرۆکی ئەنجوومەنی پارێزگاکە کۆبووەوە.

لێدوانی فەرمی: قوباد تاڵەبانی لەمیانی کۆنگرەیەکی ڕۆژنامەوانیدا لە کەرکووک ڕایگەیاند:

- خەڵکی کەرکووک سیاسەتکردنیان ناوێت، بەڵکو حکومڕانییەکی باشیان دەوێت، ئەمەش پێویستی بە یەک تیمی و یەکڕیزییە.

- هاتووم پشتیوانی خۆم وەکو حکومەتی هەرێمی کوردستان و یەکێتی نیشتمانی کوردستان بۆ ئیدارەی کەرکووک دەرببڕم.

-داوا لەو ئەندامانەی ئەنجوومەنی پارێزگای کەرکووک دەکەم کە بە هەر هۆکارێک ناچنە کۆبوونەوەکانی ئەنجوومەن، بچن و بۆچوونی خۆیان دەرببڕن، هەروەها ببنە چاودێر بەسەر ئەدای حکومەتەوە.