هۆشیار زێباری: كاتی ئەوە هاتووە دادگای فیدڕاڵی بەشێوەیەكی دەستووری دروست بكرێتەوە

کوردستان
8 خولەک لەمەوپێش

شەیری بکە لە:

هۆشیار زێباری: كاتی ئەوە هاتووە دادگای فیدڕاڵی بەشێوەیەكی دەستووری دروست بكرێتەوە

هۆشیار زێباری، ئەندامی مەكتەبی سیاسی پارتی دیموکراتی کوردستان

ئاڤا نیوز

هۆشیار زێباری، ئەندامی مەكتەبی سیاسیی پارتی بە پێویستی دەزانێت دادگای فیدڕاڵی بەشێوەیەك دروست بكرێتەوە كە گەرەنتی سەربەخۆیی و بێلایەنی بكات.

وێنە گەورەكە: ڕۆژی چوارشەممە 5-2-2025، ئەنجوومەنی باڵای دادوەریی عێراق بە سەرۆکایەتیی فایق زێدان کۆبوونەوەیەکی ئەنجامدا و هەڵوێستی خۆی دەربارەی بڕیارەکەی دادگای باڵای فیدراڵی سەبارەت بە ڕاگرتنی کارکردن بە یاسای لێبوردنی گشتی، باری کەسی و گەڕانەوەی موڵک بۆ خاوەنە ڕەسەنەکانیانیان دەربڕی.

پەیامی فەرمی: هۆشیار زێباری، ئەندامی مەكتەبی سیاسی پارتی دیموکراتی کوردستان، لە پەیامێكدا كە لە تۆڕی كۆمەڵایەتی "ئێكس" بڵاوی كردووەتەوە، ئاماژەی بەوەكردووە: "دوای ناكۆكییە یاسایی و دەستوورییەكانی نێوان دادگای فیدراڵی و ئەنجوومەنی باڵای دادوەری لە عێراق، سەبارەت بەو یاسایانەی كە لەلایەن پەرلەمانەوە پەسەندكران، ئێستا كاتی ئەوەیە دادگای فیدراڵی پێكبهێنرێتەوە، وەك ئەوەی لەدەستووردا دیاریكراوە كە گرنتی سەربەخۆیی و بێلایەنی كردووە".

باکگراوند: لە 21-01-2025 پەرلەمانی عێراق هەر سێ یاسای گەڕانەوەی موڵکی داگیرکراو بۆ خاوەنەکانیان لە کەرکووک و ناوچەکانی ماددەی 140، لێبوردنی گشتی و یاسای باری کەسێتی، بەیەک پاکێج پەسەند کرد. دواتر دادگای فیدراڵی کارکردنی بە یاساکان بەشێوەکی کاتی ڕاگرت.