بە درۆن هێرشکرایە سەر کێڵگەی غازی کۆرمۆر

ئاڤا نیوز  

ئێوارەی ئەمڕۆ بە درۆن هرشکرایە سەر کێلگەی غازی کۆرمۆر لە چەمچەماڵ، تا ئێستا زەرەر و زیانەکان بە تەواوی دیار نین.

لێدوانی فەرمی: بەرپرسێکی باڵای دانا غاز، بە ئاڤا نیوزی ڕاگەیاند: ئێوارەی ئەمڕۆ بەدرۆنێکی بۆمبڕێژکراو هێرش کرایە سەر  کێڵگەی غازی کۆرمۆر، تائێستا زەرەر و زیانەکانی دیارنییە، خەریکی لێکۆڵینەوەین لەبارەی هێرشەکە.

زانیاریی پەیامنێر: تائێستا درۆن بە ئاسمانی کۆرمۆردا دەسوڕێتەوە و هێزە ئەمنییەکان بەرپەرچی دەدەنەوە و دەنگی تەقە بەردەوامە.

لەلایەکی دیکەوە: ڕەمک رەمەزان قائیمقامی چەمچەمال بە ئاڤا میدیای ڕاگەیاند: کاتژمێر 07:30ـی ئێوارە، بە درۆن هێرش کراوەتە سەر کێڵگەی کۆرمۆر، لە هەمان شوێنی جاری پێشووی داوە کە بە LPG ناسراوە و تەنها زیانی ماددی هەبووە, لە ئێستادا لیژنەیەکی تایبەتمەند بۆ بەدواداچون لەسەر هێرشەکە پێکهێنراوە.