دەم پارتی: سەردانی دیکە بۆ ئیمرالی دەکرێت

ئاڤا نیوز

 

دەم پارتی لەبارەی سەردانی ئیمڕالی و كۆبوونەوەی لەگەڵ كەسایەتیە سیاسییەكان دەڵێت، تەواوی كۆبوونەوەكان دۆستانە و ئومێدبەخش و ئەرێنی بوون.

 

وێنە گەورەكە: لەچوارچێوەی هەوڵەکان بۆ خستنەگەڕی پرۆسەی دانووستاندن لەبارەی پرسی ئاشتی کورد لە تورکیا، لە ماوەی ڕابردوودا شاندی دەم پارتی سەردانی ئیمڕاڵی كرد و دیدارێكی لەگەڵ عەبدوڵڵا ئۆجەلان، ڕێبەری پەكەكە ئەنجامدا، هاوكات لەگەڵ لایەن و كەسایەتیە سیاسییەكان كۆبووەوە.

 

ڕاگەیێنراوی فەرمی: ناوەندی گشتیی دەم پارتی ڕاگەیێنراوێكی بڵاوكردەوە تێیدا هاتووە: "ئەو تێڕوانینەی لە کۆبوونەوەکان بەدەستمان هێنا ئەوەیە: لە هەموو پارتە سیاسییەکاندا خواست و ئیرادەیەکی هاوبەش هەیە بۆ وەلانانی قۆناغی ناکۆکی و گرژی كە لەسەر پرسی کورد دروستبووە''.

 

زانیاریی زیاتر: هەروەها لە ڕاگەیاندراوەکەدا باس لەوەش کراوە بڕیارە لە ئایندەیەكی نزیكدا سەردانێکی دیکە بۆ ئیمراڵی بكرێت.