کۆبوونەوەی ئەنجوومەنی وەزیران لەسەر پرسی مووچە دەستیپێکرد

ئاڤا نیوز

 

لە ئەنجوومەنی وەزیرانی هەرێمی کوردستان، کۆبوونەوەیەک لەسەر پرسی مووچەی مووچەخۆران بەڕێوەدەچیت بە سەرپەرشتی سەرۆکوەزیران مەسرو بارزانی و جێگری سەرۆکوەزیران لەگەڵ نوێنەری فراکسیۆنە کوردییەکان لە پەرلەمانی عێراق.

 

وێنە گەورەکە: بەهۆی پابەندنەبوونی حکومەتی عێراق بە بڕیارەکانی دادگای فێدراڵی عێراق و چارەسەرنەکردنی کێشە هەڵپەسێردراوەکانی نێوان حکومەتی هەرێمی کوردستان و عێراق، نەناردنی مووچەی فەرمانبەران و شایستە داراییەکانی هەرێمی کوردستان، چاوەڕوان دەکرێت بڕیارێکی یەکلاکەرەوە لەبارەیەوە بدرێت.

 

لێدوانی فەرمی: پێشەوا هەورامانی، وتەبێژی حکومەتی هەرێمی کوردستان ڕایگەیاند: کۆبوونەوەیەکی نائاسایی لە ئەنجوومەنی وەزیرانی هەرێمی کوردستان بە سەرپەرشتیی سەرۆکوەزیران مەسرور بارزانی لە هەولێر بەڕێوە دەچێت، کە تایبەتە بە پرسی مووچە و شایستە داراییەکانی هەرێمی کوردستان لە حکومەتی فیدراڵ.

 
زانیاریی زیاتر: بڕیارە نوێنەرانی هەرێمی کوردستان لە حکومەتی فیدراڵی و سەرۆکی فراکسیۆنە کوردستانییەکانی زۆربەی لایەنەکان لە کۆبوونەوەکە بەشداربن جگە لە کۆمەڵ و یەکگرتوو.

 

ئەوەی پێویستە بیزانیت: پێشتر وتەبێژی حکومەتی هەرێمی کوردستان ڕایگەیاندبوو، له‌ ساڵی‌ نوێدا نابێت به‌مجۆره‌ مامه‌ڵه‌ له‌گه‌ڵ‌ فه‌رمانبه‌رانی‌ هه‌رێمی کوردستان بكرێت و مامەڵەی بەرپرسانی بەغدا بەمجۆرە بەردەوام بێت، کشانەوە لە بەغدا ئەگەرێکی بەهێزە.