دوو كرێكاری كورد لە كەركووك بەهۆی لێچوونی غازەوە گیانیان لەدەست دا

ئاڤا نیوز

 

لە ناحیەیەكی سنووری كەركووك، دوو كرێكاری کورد بە هۆی لێچوونی غازەوە گیانیان لەدەست دا.

 

زانیاریی پەیامنێر: دیار جەمال، پەیامنێری ئاڤا میدیا لە كەركووك ڕایگەیاند: دوو كرێكاری كورد كە خەڵكی شاری كۆبانێی ڕۆژئاوای كوردستانن و لە سنووری كەركووك كرێكاری هەڵكەندنی بیر بوون، بەرەبەیانی ئەمڕۆ لە شارۆچكەی تازەی سەر بە پارێزگای كەركووك بەهۆی لێچوونی غازەوە گیانیان لەدەست داوە.

 

زانیاریی زیاتر: دوو كرێكارەكە ناویان عەبدولسەلام ئیبراهیم 33 ساڵ، بەشار مستەفا 26 ساڵانە، غازیان بۆ خۆگەرمكردنەوە بەكارهێناوە و لێچوونی غاز لە گەرمكەرەوەكە هەبووە و دواجار بەهۆی كاریگەریی غازەوە خنكاون.