تەحریرولشام هەڕەشەی نوێ لە "هەسەدە" دەکات

ئاڤا نیوز

فەرماندەی سەربازی دەستەی تەحریرولشام ئاشکرایکرد، "ناوچەکانی ژێر کۆنترۆڵی هەسەدە دەخەینەوە سەر سووریا"، هەسەدەش دەڵێت دانوستان دەکەین.

 

لێدوانی فەرمی: مورهەف ئەبو حەسرە، ناسراو بە ئەبو حەسەن حەمەویم فەرماندەی سەربازی دەستەی تەحریرولشام لە چاوپێکەتنێکی تەلەفزیۆنیدا ڕایگەیاند: ئەو ناوچانەی ئێستا لەژێر کۆنترۆڵی هێزەکانی هەسەدەن دەخرێنەوە سەر سووریا و هیچ ناوچەیەکی فیدراڵی لە سەرتاسەری وڵات دانامەزرێت. 

 

هاوکات لەگەڵ دووبارە بونیادنانەوەی سوپای سوریا سەرجەم یەکە سەربازییەکانی سووریا بە هێزەکانی سوریای دیموکراتیشەوە دەچنە پاڵ ئەو سوپا یەکگرتووە. 

 

بۆچوونی لایەنی بەرامبەر: فەرهاد شامی، بەڕێوەبەری ناوەندی ڕاگەیاندنی هێزەکانی سوریای دیموکرات ڕایگەیاند، دانوستانەکان لەنێوان هەسەدە و چەکدارانی ئۆپەڕاسیۆنەکانی سووریا بەردەوامە و هەسەدەش تاکە هێزبوو کە یەکپارچەیی خاکی سووریای پاراست بەرامبەر پیلانەکانی تورکیا بۆ دابەشکردنی ناوچەکە.