ئەمریكا سێ بەلەم و دوو مووشەكی حوسییەكان دەکاتە ئامانج

 ئاڤا نیوز

ئەمریکا هێرشی کردە سەر سێ بەلەمی حوسییەکان، کە ئامادەکرابوون بۆ هێرشکردنە سەر کەشتییە بازرگانی و سەربازییەکان لە دەریای سوور.

بۆچی گرنگە: ئاڵۆزییەکانی دەریای سوور و کەنداوی عەدەن کاریگەری لەسەر بازرگانی و جموجۆڵی کەشتیوانی لە ناوچەکە هەیە، حوسییەکان بەردەوام کەشتی بازرگانی و سەربازی بە ئامانج دەگرن و ئەمریکا و هاوپەیمانەکانیشی هێرشی دەکەنە سەر.

لێدوانی فەرمی: فەرماندەی ناوەندیی ئەمریکا ڕایگەیاند: بە  مووشەک هێرشمان کردە سەر  سێ بەلەم و دوو مووشەکی کرووز و فڕۆکەیەکی بێفڕۆکەوان کە ئامادەکرابوون بۆ هێرشکردن،  هەر جۆرە مەترسییەک بۆ سەر کەشتییە بازرگانی و سەربازییەکان لە دەریادا هەبن، لەلایەن تیمەکانمانەوە هێرشیان دەکرێتەسەر و لەناودەبرێن.