وەزیری دەرەوەی ئەمریکا سەردانی تورکیا دەکات

ئاڤا نیوز

 

ئەنتۆنی بلینکن، وەزیری دەرەوەی ئەمریکا بڕیارە لە دوو ڕۆژی داهاتوودا سەردانی تورکیا بکات و تاوتوێی دۆخی سووریا و سیاسەتەکانی هەردوو وڵات بەرامبەر بە دۆخی ناوچەکە بکرێت. 

 

وێنە گەورەکە: پێش ئەو سەردانە، هەردوو وەزیری دەرەوەی ئەمریکا و تورکیا چەند جارێک لەبارەی بارودۆخ و پێشهاتەکانی ڕۆژهەڵاتی ناوەڕاست بەتایبەت لە ژێر ڕۆشنایی ڕووداوەکانی ئەم دواییەی سووریا بە تەلەفۆن قسەیان کردووە. 

 

زانیاریی بەدەستهاتوو: بەرپرسێکی باڵای تورکیا بە میدیاکانی ئەو وڵاتەی ڕاگەیاندووە، ''ڕۆژی هەینی 13-12-2024 ئەنتۆنی بلینکن وەزیری دەرەوەی ئەمریکا سەردانی ئەنقەرە دەکات، بەپێی بەرنامەی کۆبوونەوەکە لەگەڵ هاکان فیدان، وەزیری دەرەوە کۆدەبێتەوە''. 

 

ئەمەش بزانە: تورکیا و ئەمریکا جەخت دەکەنەوە کە نابێت گرووپە تیرۆریستییەکان لەنێویاندا داعش ڕووداوەکانی سووریا بقۆزنەوە و سوود لە دۆخی ئێستای سووریا وەربگرن. بەڵام بۆچوونیان لەبارەی هێزەکانی سووریای دیموکرات جیاوازە.