بەهۆی سەرپێچییەوە، ئاوی نزیکەی 300 هاوبەش دەبڕدرێت

ئاڤا نیوز

 

تیمەکانی بەڕێوەبەرایەتیی ئاو و ئاوەڕۆی هەولێر، بەدواداچوون بۆ هاوبەشی نایاسایی دەکەن، تەنیا لە ماوەی یەک هەفتە زیاتر لە 300 هاوبەشی نایاسایی ئاوەکانیان بڕدراوە.

 

وێنە گەورەکە: لە هەرێمی کوردستان ملیۆنێک و  590 هەزار هاوبەشی ئاو تۆمارکراون، لەو ڕێژەیە 87% یان پێوەری ئاویان بەستووە، ڕێژەی بەهەدەردانی ئاو کەمیکردووە و ڕێگەیەکی دیکەش بڕینی هاوبەشی نایاساییە.

 

لێدوانی فەرمی: ئاری ئەحمەد، بەڕێوەبەری گشتیی ئاو و  ئاوەڕۆی هەرێمی کوردستان بە ئاڤا نیوزی گوت، "لەلایەن تیمەکانی بەدواداچوون لە سنووری پارێزگای هەولێر 219 هاوبەشی ئاوی پاکی ماڵان و 60 هاوبەشی نایاسایی ئاوی ماڵان بڕدراوە و ئەو هەڵمەتەش بەردەوام دەبێت."

 

ئەمەش بزانە: لە ماوەی ڕابردوو سەرۆکوەزیران مەسرور بارزانی، بەردی بناغەی پڕۆژەی فریاگوزاری خێرای ئاوی دانا، کە ئاوی خاوێن بۆ 60% دانیشتووانی هەولێر دابین دەکات و گرفتی کەمئاوی چارەسەر دەکات.